urdu nazm

dil-e-ḳhavās hai rūh-e-avām hai urdu

zabāñ nahīñ hai mukammal nizām hai urdu

har ik maqām hai dār-ul-ḳhilāfa-e-urdu

aur is pe lutf ye hai be-maqām hai urdu

kamāl-e-husn-o-fasāhat jamāl-e-nutq-o-bayāñ

ye muqtadī haiñ aur in kī imaam hai urdu

ġhazal-sarā hai zamāna hayāt naġhma-kunāñ

vazīfa-e-sahar-o-roz-o-shām hai urdu

hamāre shams-o-qamar is se nuur paate haiñ

sahar kī jot tajallī-e-shām hai urdu

'nadīm' chāñd pe bhī ḳhaak paḌ sakī hai kabhī

sipahr-e-asr pe maah tamām hai urdu

hai talḳh-kāmī-e-dushman meñ bhī isī kā surūr

koī batāo ki kis jā harām hai urdu

dil-e-KHawas hai ruh-e-awam hai urdu

zaban nahin hai mukammal nizam hai urdu

har ek maqam hai dar-ul-KHilafa-e-urdu

aur is pe lutf ye hai be-maqam hai urdu

kamal-e-husn-o-fasahat jamal-e-nutq-o-bayan

ye muqtadi hain aur in ki imam hai urdu

ghazal-sara hai zamana hayat naghma-kunan

wazifa-e-sahar-o-roz-o-sham hai urdu

hamare shams-o-qamar is se nur pate hain

sahar ki jot tajalli-e-sham hai urdu

'nadim' chand pe bhi KHak paD saki hai kabhi

sipahr-e-asr pe mah tamam hai urdu

hai talKH-kaami-e-dushman mein bhi isi ka surur

koi batao ki kis ja haram hai urdu