urdu

kaash urdu hī meñ ho saare dafātir kā hisāb

kaash taqrīreñ kareñ urdu meñ sab izzat-ma.āb

kab talak rakhiyegā añgrezī meñ ta.alīmī nisāb

qaum ke bachchoñ ke haq meñ ye hai ik zehnī azaab

kab talak ye kah ke qismat se raheñ ham shikva-sanj

''rañj kā ḳhūgar huā insāñ to miT jaatā hai rañj''

ġhaur kiije kaise is ta.alīm ne paayā rivāj

kis liye haamī the is ke sāhibān-e-taḳht-o-tāj

kaun sī dushvāriyāñ thiiñ jin kā sochā ye ilaaj

thī clerkoñ kī hukūmat ko nihāyat ehtiyāj

dars-gāheñ thiiñ pa añgrezī paḌhe baabū na the

daftarī gaaḌī chalāne ke liye yaabū na the

raushnī afrañg se is mulk meñ aa.ī na thī

zauq-e-ḳhidmat ne rag-o-pai meñ jagah paa.ī na thī

peT bharne ke liye ye nāsiya-sā.ī na thī

aur abhī tasvīr-e-jānāñ ham ne banvā.ī na thī

ya.anī B-A kī sanad sad.hā sifārish kī nuqūl

arziyoñ ke saath daftar meñ na hotī thiiñ qubūl

ab ye hālat hai ki roTī ek aur bhūke hazār

baiTh kar parde ke pīchhe khīñch saktā hai jo taar

vo to ho jaatā hai muñh meñ le ke roTī ko farār

bāqī-māñda phir vahī umīd-vār umīd-vār

aap is hālat meñ is ta.alīm ko de kar rivāj

muflisī kā kar rahe haiñ homeopathic ilaaj

kash urdu hi mein ho sare dafatir ka hisab

kash taqriren karen urdu mein sab izzat-maab

kab talak rakhiyega angrezi mein talimi nisab

qaum ke bachchon ke haq mein ye hai ek zehni azab

kab talak ye kah ke qismat se rahen hum shikwa-sanj

ranj ka KHugar hua insan to miT jata hai ranj

ghaur kije kaise is talim ne paya riwaj

kis liye hami the is ke sahiban-e-taKHt-o-taj

kaun si dushwariyan thin jin ka socha ye ilaj

thi clerkon ki hukumat ko nihayat ehtiyaj

dars-gahen thin pa angrezi paDhe babu na the

daftari gaDi chalane ke liye yabu na the

raushni afrang se is mulk mein aai na thi

zauq-e-KHidmat ne rag-o-pai mein jagah pai na thi

peT bharne ke liye ye nasiya-sai na thi

aur abhi taswir-e-jaanan hum ne banwai na thi

yani B-A ki sanad sadha sifarish ki nuqul

arziyon ke sath daftar mein na hoti thin qubul

ab ye haalat hai ki roTi ek aur bhuke hazar

baiTh kar parde ke pichhe khinch sakta hai jo tar

wo to ho jata hai munh mein le ke roTi ko farar

baqi-manda phir wahi umid-war umid-war

aap is haalat mein is talim ko de kar riwaj

muflisi ka kar rahe hain homeopathic ilaj