urdu zaban

nutq kā e.ajāz hai urdu zabāñ

vaqt kī āvāz hai urdu zabāñ

jis meñ sur haiñ muḳhtalif bhāshāoñ ke

vo anokhā saaz hai urdu zabāñ

ye zabāñ ke saath hai tahzīb bhī

qābil-e-sad-nāz hai urdu zabāñ

mā.il-e-parvāz hai is kā adab

manzil-e-parvāz hai urdu zabāñ

qaumī yak-jehtī se jo paidā huī

vo hasīñ āġhāz hai urdu zabāñ

giitā aur qur.āñ kī tafsīreñ liye

maz.haboñ kā raaz hai urdu zabān

hindū muslim sikh īsā.ī koī ho

sab kī hī dam-sāz hai urdu zabāñ

is kā dushman dushman-e-amn-o-amāñ

prem kā andāz hai urdu zabāñ

sab zabānoñ par chaḌhī hai 'mauj' ye

is liye mumtāz hai urdu zabāñ

nutq ka eajaz hai urdu zaban

waqt ki aawaz hai urdu zaban

jis mein sur hain muKHtalif bhashaon ke

wo anokha saz hai urdu zaban

ye zaban ke sath hai tahzib bhi

qabil-e-sad-naz hai urdu zaban

mail-e-parwaz hai is ka adab

manzil-e-parwaz hai urdu zaban

qaumi yak-jehti se jo paida hui

wo hasin aaghaz hai urdu zaban

gita aur quran ki tafsiren liye

mazhabon ka raaz hai urdu zaban

hindu muslim sikh isai koi ho

sab ki hi dam-saz hai urdu zaban

is ka dushman dushman-e-amn-o-aman

prem ka andaz hai urdu zaban

sab zabanon par chaDhi hai 'mauj' ye

is liye mumtaz hai urdu zaban