urdu

zau-fishāñ tū rahe ai sham.a-e-zabān-e-urdu

terā har zarra chamak kar mah-e-kāmil ho jaa.e

bol-bālā ho tirā mulk ke har goshe meñ

terī lau zeb-dah-e-anjuman-e-dil ho jaa.e

terī har satr bane zulf-e-hasīnān-e-jahāñ

ik zamāna tirā pāband-e-salāsil ho jaa.e

jaan de husn-e-fasāhat pe masīhā-nafasī

sāmrī bhī tire e.ajāz kā qaa.il ho jaa.e

tere har lafz meñ ho dard-e-mohabbat kī taḌap

har suḳhan sharh-e-bayān-e-ḳhalish-e-dil ho jaa.e

ho gayā meñ tire parvānoñ kā har saal hujūm

roz-afzūñ tirā hangāma-e-mahfil ho jaa.e

ho kuchh is tarah gul-afshānī-e-arbāb-e-suḳhan

jis se pāmālī-e-gulbāñg-e-anādil ho jaa.e

mai-e-gul-rang-e-shafaq se rahe rangīñ tirā jaam

terī har bazm-e-adab mai-kada-e-dil ho jaa.e

hazrat-e-nūh kā uThtā rahe tūfāñ yūñhī

ġharq-e-sailāb-e-suḳhan dāman-e-sāhil ho jaa.e

har nau-āmoz sila paa.e tirī ḳhidmat kā

har mah-e-nau tire sadqe mah-e-kāmil ho jaa.e

zahe taqdīr zahe baḳht ki nāchīz 'sarīr'

tire ḳhuddām kī fihrist meñ shāmil ho jaa.e

zau-fishan tu rahe ai shama-e-zaban-e-urdu

tera har zarra chamak kar mah-e-kaamil ho jae

bol-baala ho tera mulk ke har goshe mein

teri lau zeb-dah-e-anjuman-e-dil ho jae

teri har satr bane zulf-e-hasinan-e-jahan

ek zamana tera paband-e-salasil ho jae

jaan de husn-e-fasahat pe masiha-nafasi

samri bhi tere eajaz ka qail ho jae

tere har lafz mein ho dard-e-mohabbat ki taDap

har suKHan sharh-e-bayan-e-KHalish-e-dil ho jae

ho gaya mein tere parwanon ka har sal hujum

roz-afzun tera hangama-e-mahfil ho jae

ho kuchh is tarah gul-afshani-e-arbab-e-suKHan

jis se pamali-e-gulbang-e-anadil ho jae

mai-e-gul-rang-e-shafaq se rahe rangin tera jam

teri har bazm-e-adab mai-kada-e-dil ho jae

hazrat-e-nuh ka uThta rahe tufan yunhi

gharq-e-sailab-e-suKHan daman-e-sahil ho jae

har nau-amoz sila pae teri KHidmat ka

har mah-e-nau tere sadqe mah-e-kaamil ho jae

zahe taqdir zahe baKHt ki nachiz 'sarir'

tere KHuddam ki fihrist mein shamil ho jae