us din

baseñ chaltī raheñgī apne routoñ par

Trailer yūñhī bandar-gāh se sāmān lā.eñge

jahāzoñ aur trainoñ ke

schedule aur Time-Table meñ

na koī farq aa.egā

na koī mas.ala hogā

dukānoñ kār-ḳhānoñ daftaroñ meñ

hāzirī ma.amūl kī hogī

double-roTī banegī aur tannūroñ meñ

ḳhamīrī roġhnī saadī

sabhī aqsām kī roTī lagegī

aur shikam-serī kī ḳhātir pītza bargar sirī-pā.e nahārī ke

banāne aur pakāne meñ

zarā bhī jo kamī hogī

maiñ jis din mar gayā us din

raqīq-ul-qalb haiñ jo chāhne vaale

bahut ro ro ke apnā shaam ik

barbād kar leñge

jo jazbātī nahī itne

vo kuchh piite hue is raat mujh ko yaad kar leñge

basen chalti rahengi apne routon par

Trailer yunhi bandar-gah se saman laenge

jahazon aur trainon ke

schedule aur Time-Table mein

na koi farq aaega

na koi masala hoga

dukanon kar-KHanon daftaron mein

haziri mamul ki hogi

double-roTi banegi aur tannuron mein

KHamiri roghni sadi

sabhi aqsam ki roTi lagegi

aur shikam-seri ki KHatir pitza bargar siri-pae nahaari ke

banane aur pakane mein

zara bhi jo kami hogi

main jis din mar gaya us din

raqiq-ul-qalb hain jo chahne wale

bahut ro ro ke apna sham ek

barbaad kar lenge

jo jazbaati nahi itne

wo kuchh pite hue is raat mujh ko yaad kar lenge