ushshaq-e-KHirad-mand

sune ajdād se qisse

tire mahbūb bandoñ ke

ka.ī majzūb bandoñ ke

fanā ke jaam lete the

vafā se kaam lete the

baqā ko thaam lete the

kabhī suulī pe aate the

kabhī sahrā ko jaate the

kabhī raqs-e-nadāmat thā

yūñhī murshid manāte the

anal-haq kī sadā.eñ thiiñ

visāl-e-yār paate the

mohabbat hī mohabbat thī

na ġham thā peT bharne kā

na shikva roz marne kā

jahāñ ne rang-o-Dhang badle

manāzir dam-ba-dam badle

qadam bahke qadam badle

idhar ahl-e-jahāñ badle

ḳhudā badlā sanam badle

mohabbat kī bajā.e māl-o-zar pe jaan dete haiñ

hamāre ahd ke ushshāq

ab rusvā nahīñ hote

kabhī tanhā nahīñ hote

haqīqat maan lete haiñ

kabhī duniyā se laḌte the

magar ab maslahat se kaam lete haiñ

sune ajdad se qisse

tere mahbub bandon ke

kai majzub bandon ke

fana ke jam lete the

wafa se kaam lete the

baqa ko tham lete the

kabhi suli pe aate the

kabhi sahra ko jate the

kabhi raqs-e-nadamat tha

yunhi murshid manate the

anal-haq ki sadaen thin

visal-e-yar pate the

mohabbat hi mohabbat thi

na gham tha peT bharne ka

na shikwa roz marne ka

jahan ne rang-o-Dhang badle

manazir dam-ba-dam badle

qadam bahke qadam badle

idhar ahl-e-jahan badle

KHuda badla sanam badle

mohabbat ki bajae mal-o-zar pe jaan dete hain

hamare ahd ke ushshaq

ab ruswa nahin hote

kabhi tanha nahin hote

haqiqat man lete hain

kabhi duniya se laDte the

magar ab maslahat se kaam lete hain