uTho naujawano

añdhere haTāo ujāle bichhāo

sadāqat se apne vatan ko sajāo

tumhāre liye ne'mateñ haiñ jahāñ kī

chalo saath mil ke nasīb āzmāo

ḳhudī bhī tumhārī ḳhudā bhī tumhārā

ḳhudā ke liye jaan par khel jaao

tumheñ rahmatoñ kā sahārā milegā

mohabbat se mehnat kā jaadū jagāo

phir āvāz iflās kī aa rahī hai

baḌho apnī dhartī pe sonā ugaao

ḳhayālāt ko ek markaz pe laao

uTho naujavāno vatan ko bachāo

ye amn-o-amāñ ke talabgār bande

ye mazdūr bande ye jī-dār bande

ye sābir ye shākir ye zākir ye zāhid

ye dīn-e-ilāhī ke me'mār bande

abhī ro rahe the abhī hañs rahe haiñ

ye majbūr bande ye muḳhtār bande

nigāhoñ meñ apne samā.e hue haiñ

fareb-e-nazar meñ giraftār bande

gulistāñ meñ haiñ jo guloñ ke muhāfiz

unheñ aaj un kī haqīqat batāo

ga.e vaqt kā aa.ina bhī dikhāo

uTho naujavāno vatan ko bachāo

mohabbat meñ nafrat se bach kar chaleñge

kudūrat miTegī to sāġhar chaleñge

zabardast haiñ zer-dastoñ pe haavī

ki teġhoñ ke saa.e meñ ḳhanjar chaleñge

mohabbat ko bhī harf-e-āḳhir na samjho

mohabbat se aage bhī soz-e-suḳhan hai

jahannum ke sho'le bhaḌakne se pahle

sadā aa rahī hai ki tan ko bachāo

ḳharābe se sehn-e-chaman ko bachāo

uTho naujavāno vatan ko bachāo

idhar inqilābī taqaddus baḌhegā

udhar chāñd tāroñ ke chakkar chaleñge

ujāle meñ har khel khelo ḳhushī se

añdhere se pahle magar chal chaleñge

dar-e-mai-kada band hone na denā

agar toḌ sakte nahīñ Tuut jaao

phir apne ḳhudā ko sahārā banāo

uTho naujavāno vatan ko bachāo

yahī paak dhartī hamārā vatan hai

isī kī taraqqī hamārī lagan hai

jiyāle javānoñ kī dānishvaroñ kī

yahī anjuman hai yahī anjuman hai

shujā'at ke qisse kahāñ tak sunā.ūñ

javānī kī ḳhushbū chaman-dar-chaman hai

andhere haTao ujale bichhao

sadaqat se apne watan ko sajao

tumhaare liye ne'maten hain jahan ki

chalo sath mil ke nasib aazmao

KHudi bhi tumhaari KHuda bhi tumhaara

KHuda ke liye jaan par khel jao

tumhein rahmaton ka sahaara milega

mohabbat se mehnat ka jadu jagao

phir aawaz iflas ki aa rahi hai

baDho apni dharti pe sona ugao

KHayalat ko ek markaz pe lao

uTho naujawano watan ko bachao

ye amn-o-aman ke talabgar bande

ye mazdur bande ye ji-dar bande

ye sabir ye shakir ye zakir ye zahid

ye din-e-ilahi ke me'mar bande

abhi ro rahe the abhi hans rahe hain

ye majbur bande ye muKHtar bande

nigahon mein apne samae hue hain

fareb-e-nazar mein giraftar bande

gulistan mein hain jo gulon ke muhafiz

unhen aaj un ki haqiqat batao

gae waqt ka aaina bhi dikhao

uTho naujawano watan ko bachao

mohabbat mein nafrat se bach kar chalenge

kudurat miTegi to saghar chalenge

zabardast hain zer-daston pe hawi

ki teghon ke sae mein KHanjar chalenge

mohabbat ko bhi harf-e-aKHir na samjho

mohabbat se aage bhi soz-e-suKHan hai

jahannum ke sho'le bhaDakne se pahle

sada aa rahi hai ki tan ko bachao

KHarabe se sehn-e-chaman ko bachao

uTho naujawano watan ko bachao

idhar inqilabi taqaddus baDhega

udhar chand taron ke chakkar chalenge

ujale mein har khel khelo KHushi se

andhere se pahle magar chal chalenge

dar-e-mai-kada band hone na dena

agar toD sakte nahin Tut jao

phir apne KHuda ko sahaara banao

uTho naujawano watan ko bachao

yahi pak dharti hamara watan hai

isi ki taraqqi hamari lagan hai

jiyale jawanon ki danishwaron ki

yahi anjuman hai yahi anjuman hai

shuja'at ke qisse kahan tak sunaun

jawani ki KHushbu chaman-dar-chaman hai