unT

laqq-o-daq sahrā meñ yā maidān meñ

yā arab ke garm registān meñ

saya-afgan hai na vaañ koī chaTān

sard paanī kā na dariyā kā nishān

chilchilātī dhuup hai aur chup havā

vaañ parinda bhī nahīñ par mārtā

tū vahāñ ke marhale kartā hai tai

din-ba-din aur hafta hafta pai-ba-pai

qīmtī ashyā haiñ terī pusht par

tājiroñ kā resham aur shāhoñ kā zar

toda toda tere uupar lad rahā

hai bharā goyā jahāz-e-pur-bahā

chand hafte jab ki jaate haiñ guzar

aur thakā detā hai rākib ko safar

uuñT! ghabrātā nahīñ tū baar se

dekhtā hai us kī jānib pyaar se

goyā kahtā hai ki ai mere savār

ek din tū aur bhī himmat na haar

haañ na be-dil ho na raste meñ ThiThak

saaf sar-chashma hai aage dhar lapak

mujh ko aatī hai havā se bū-e-āb

nā-umīdī se na kar tū iztirāb

uuñT tū kartā hai us kī rahbarī

yuuñ banā detā hai rākib ko jarī

āḳhirash manzil pe pahuñchātā hai tū

aur sūkhe ḳhār-o-ḳhas khātā hai tū

sabr se kartā hai tai rāh-e-darāz

sach kahā hai tū hai ḳhushkī kā jahāz

al-ġharaz tū hai halīm o ḳhush-ḳhisāl

tarbiyat meñ chhoTe bachchoñ kī misāl

laqq-o-daq sahra mein ya maidan mein

ya arab ke garm registan mein

saya-afgan hai na wan koi chaTan

sard pani ka na dariya ka nishan

chilchilati dhup hai aur chup hawa

wan parinda bhi nahin par marta

tu wahan ke marhale karta hai tai

din-ba-din aur hafta hafta pai-ba-pai

qimti ashya hain teri pusht par

tajiron ka resham aur shahon ka zar

toda toda tere upar lad raha

hai bhara goya jahaz-e-pur-baha

chand hafte jab ki jate hain guzar

aur thaka deta hai rakib ko safar

unT! ghabraata nahin tu bar se

dekhta hai us ki jaanib pyar se

goya kahta hai ki ai mere sawar

ek din tu aur bhi himmat na haar

han na be-dil ho na raste mein ThiThak

saf sar-chashma hai aage dhar lapak

mujh ko aati hai hawa se bu-e-ab

na-umidi se na kar tu iztirab

unT tu karta hai us ki rahbari

yun bana deta hai rakib ko jari

aaKHirash manzil pe pahunchata hai tu

aur sukhe KHar-o-KHas khata hai tu

sabr se karta hai tai rah-e-daraaz

sach kaha hai tu hai KHushki ka jahaz

al-gharaz tu hai halim o KHush-KHisal

tarbiyat mein chhoTe bachchon ki misal