wahima

maiñ ne jab

man ke canvas par

apne maazī kī tasvīr banānā chāhī

to

siyāhī ke dhabbe se hī ubhar paḌe

aur

hāthoñ meñ kūchī jaise munjamid ho ga.ī

ehsāsāt kā gahrā paanī

gadlā gadlā mailā mailā

jaise canvas par ubhrā har naqsh miTāne ko muñh khole

kisī dev kī tarah

lapakne kā mauqa hī DhūñD rahā ho

soch rahā huuñ

sabhī naqsh miT ga.e

to merī sadiyoñ kī mehnat par paanī phir jaa.e

phir maiñ kaise amar rahūñgā

kaise rahegā naam mirā duniyā meñ baaqī

main ne jab

man ke canwas par

apne mazi ki taswir banana chahi

to

siyahi ke dhabbe se hi ubhar paDe

aur

hathon mein kuchi jaise munjamid ho gai

ehsasat ka gahra pani

gadla gadla maila maila

jaise canwas par ubhra har naqsh miTane ko munh khole

kisi dew ki tarah

lapakne ka mauqa hi DhunD raha ho

soch raha hun

sabhi naqsh miT gae

to meri sadiyon ki mehnat par pani phir jae

phir main kaise amar rahunga

kaise rahega nam mera duniya mein baqi