wapsi

safar kī shart na.ī tum ne bāñdhī hai

isī liye to ham ne

tumhāre saath chand qadam chal kar

vāpsī kī Thānī hai

gāhe-gāhe chalte the na.e safar kī tarah

girte girte sañbhal bhī jaate the

ajnabī kī tarah

duur thī manzil magar use bhī samjhe ham

chand qadam kī tarah

aur ham ne sochā thā

safar se pahle kabhī na dam leñge

kisī tarah rāstoñ ko tai kar leñge

magar ik moḌ par ruke jo tum

palaT ke tum ne kahā

ham ab yahīñ pe rukte haiñ

tum baḌho akele hī

ham na.e rāstoñ pe chalte haiñ

paañv shal haiñ

āñkhoñ meñ dhuāñ

ek ek karke

miT rahe haiñ nishāñ

safar kī shart na.ī tum ne bāñdhī hai

isī liye to ham ne

tumhāre saath chand qadam chal kar

vāpsī kī Thānī hai

safar ki shart nai tum ne bandhi hai

isi liye to hum ne

tumhaare sath chand qadam chal kar

wapsi ki Thani hai

gahe-gahe chalte the nae safar ki tarah

girte girte sanbhal bhi jate the

ajnabi ki tarah

dur thi manzil magar use bhi samjhe hum

chand qadam ki tarah

aur hum ne socha tha

safar se pahle kabhi na dam lenge

kisi tarah raston ko tai kar lenge

magar ek moD par ruke jo tum

palaT ke tum ne kaha

hum ab yahin pe rukte hain

tum baDho akele hi

hum nae raston pe chalte hain

panw shal hain

aankhon mein dhuan

ek ek karke

miT rahe hain nishan

safar ki shart nai tum ne bandhi hai

isi liye to hum ne

tumhaare sath chand qadam chal kar

wapsi ki Thani hai