wahan main nahin thi

faqat ḳhālī piñjra badan kā paḌā thā

aur nīm-vā in kivāḌoñ kī har charcharāhaT meñ

hairāniyāñ boltī thiiñ

zamīñ kī fazā se

mujhe kis ne bāhar Dhakelā

falak tak mirī dastaras kyuuñ nahīñ thī

na jaane maiñ kab tak ḳhalā meñ bhaTaktī rahī thī

vahīñ par

munaqqash darīchoñ meñ

sarsabz beleñ sutūnoñ se lipTī huī thiiñ

chamakte hue chhat ke fānūs kī raushnī meñ

beloñ ke pattoñ kī āñkhoñ meñ Thahrī namī

jhilmilāne lagī thii!

magar sab kī nazreñ

sajī Tabaloñ par jamī thiiñ

kisī ko ḳhabar kab huī thī

vahāñ meñ nahīñ thī

faqat KHali pinjra badan ka paDa tha

aur nim-wa in kiwaDon ki har charcharahaT mein

hairaniyan bolti thin

zamin ki faza se

mujhe kis ne bahar Dhakela

falak tak meri dastaras kyun nahin thi

na jaane main kab tak KHala mein bhaTakti rahi thi

wahin par

munaqqash darichon mein

sarsabz belen sutunon se lipTi hui thin

chamakte hue chhat ke fanus ki raushni mein

belon ke patton ki aankhon mein Thahri nami

jhilmilane lagi thi!

magar sab ki nazren

saji Tabalon par jami thin

kisi ko KHabar kab hui thi

wahan mein nahin thi