wajud-e-zan

dil ke mandir meñ huuñ ek mūrat huuñ maiñ

maiñ ki pur-kaif huuñ ḳhūbsūrat huuñ maiñ

maañ kī mamtā huuñ maiñ ek aurat huuñ maiñ

mujh ko samjho zarā bint-e-havvā huuñ maiñ

ik qasīda huuñ maiñ ek nauha huuñ maiñ

ek aurat huuñ maiñ ek hurmat huuñ maiñ

gulshan-e-zīst meñ ek farhat huuñ maiñ

maiñ azal se mohabbat kā unvān huuñ

husn-e-fitrat kī maiñ ek pahchān huuñ

dast-e-qismat ke hāthoñ dhanī maiñ huī

zulm had se baḌhā to vanī maiñ huī

ye sabaq yaad hai merī aulād ko

mere qadmoñ meñ jannat banā.ī ga.ī

mere husn-e-taḳhayyul pe qurbān sab merī ḳhātir ye duniyā sajā.ī ga.ī

merī āġhosh meñ haiñ payambar pale

maiñ ki ḳhush-baḳht huuñ kitne rahbar pale

rang ḳhushbū dhanak phuul jugnū sabā merī ḳhātir chaman ko sañvārā gayā

husn qaa.em hai aurat kī taḳhlīq se is liye āsmāñ se utārā gayā

dil ke mandir mein hun ek murat hun main

main ki pur-kaif hun KHubsurat hun main

man ki mamta hun main ek aurat hun main

mujh ko samjho zara bint-e-hawwa hun main

ek qasida hun main ek nauha hun main

ek aurat hun main ek hurmat hun main

gulshan-e-zist mein ek farhat hun main

main azal se mohabbat ka unwan hun

husn-e-fitrat ki main ek pahchan hun

dast-e-qismat ke hathon dhani main hui

zulm had se baDha to wani main hui

ye sabaq yaad hai meri aulad ko

mere qadmon mein jannat banai gai

mere husn-e-taKHayyul pe qurban sab meri KHatir ye duniya sajai gai

meri aaghosh mein hain payambar pale

main ki KHush-baKHt hun kitne rahbar pale

rang KHushbu dhanak phul jugnu saba meri KHatir chaman ko sanwara gaya

husn qaem hai aurat ki taKHliq se is liye aasman se utara gaya