wajudiyat

vo mere jism meñ hote hue bhī

har samt bikhrā huā hai

jo zamīñ pe hai na havā meñ hai

harf-o-ma.anī kī har qaid se āzād rishta

tirī yaad meñ guzrā har din nayā hai

jo aa.ina bhī

aa.ine kā hijāb bhī hai

mere taḳhayyul se us ke zehn tak

na koī falak hai na koī ḳhalā hai

musta.ār falsafoñ se aarī

ham apnī kitāb ḳhud

ḳhud hī apne kitāb-ḳhvāñ

maiñ huuñ dhuup to vo chhāñv hai

fāsla ek hai donoñ jānib

ki is adam ko abhī hast honā hai

na koī sar pe khaḌā abr

na ghanī chhāñv kā saaya hai

jo mere azal se mere abad tak

merā ham-safar ban gayā hai

vo mere jism meñ hote hue bhī

har samt bikhrā huā hai

wo mere jism mein hote hue bhi

har samt bikhra hua hai

jo zamin pe hai na hawa mein hai

harf-o-mani ki har qaid se aazad rishta

teri yaad mein guzra har din naya hai

jo aaina bhi

aaine ka hijab bhi hai

mere taKHayyul se us ke zehn tak

na koi falak hai na koi KHala hai

mustaar falsafon se aari

hum apni kitab KHud

KHud hi apne kitab-KHwan

main hun dhup to wo chhanw hai

fasla ek hai donon jaanib

ki is adam ko abhi hast hona hai

na koi sar pe khaDa abr

na ghani chhanw ka saya hai

jo mere azal se mere abad tak

mera ham-safar ban gaya hai

wo mere jism mein hote hue bhi

har samt bikhra hua hai