wal-asr

ujālā tārīkī meñ muntaqil hotā dekh kar

banjar zehn par

ḳhud-sāḳhta uge

sumūdī daraḳht kī ujḌī Tahniyoñ par jumbish

naqqāra-e-zāt hai

zarḳhez savāl kā paanī choñch meñ bhare

rangīn parinda pyaas kī vaadī meñ numūdār huā

visāl kyoñ hijr kī jānib gāmzan hai

shabāb par zardī kaisī

nāchtī ḳhushiyāñ

ġham ḳhushbū se lipTī

ehtimāl-āmez haiñ

zindagī kā diyā

siyāh saa.e tale TimTimā rahā hai

din-bhar reñgte hue sūraj ne

āvāza lagāyā

val-asr

aur mujh se

innal-insāna lafī ḳhusr

kī tafsīr kalām karne lagī

ujala tariki mein muntaqil hota dekh kar

banjar zehn par

KHud-saKHta uge

sumudi daraKHt ki ujDi Tahniyon par jumbish

naqqara-e-zat hai

zarKHez sawal ka pani chonch mein bhare

rangin parinda pyas ki wadi mein numudar hua

visal kyon hijr ki jaanib gamzan hai

shabab par zardi kaisi

nachti KHushiyan

gham KHushbu se lipTi

ehtimal-amez hain

zindagi ka diya

siyah sae tale TimTima raha hai

din-bhar rengte hue suraj ne

aawaza lagaya

wal-asr

aur mujh se

innal-insana lafi KHusr

ki tafsir kalam karne lagi