walima KHatm hone ke baad

ḳhudā jaane

bulāve Thiik se bāñTe nahīñ laḌke ne

yā mujh se

purānī dushmanī koī nikālī hai galī vāloñ ne mere

na aa kar

jo khānā bach gayā itnā

ba-har-sūrat mujhe kyā farq paḌtā hai

vo jis ko saañs kā āzār ho

us ko bhalā zarde se biryānī se kyā matlab

kahīñ bāñTo ise merī balā se

magar jo lakḌiyāñ tandūr kī baaqī bachī haiñ

ye kahīñ par dhyān se rakh do

isī jaaḌe meñ mumkin hai tumheñ in kī zarūrat ho

na jaane kyoñ

hamesha se mujhe lagtā hai merī maut ke din

raat ko kohra bahut hogā

KHuda jaane

bulawe Thik se banTe nahin laDke ne

ya mujh se

purani dushmani koi nikali hai gali walon ne mere

na aa kar

jo khana bach gaya itna

ba-har-surat mujhe kya farq paDta hai

wo jis ko sans ka aazar ho

us ko bhala zarde se biryani se kya matlab

kahin banTo ise meri bala se

magar jo lakDiyan tandur ki baqi bachi hain

ye kahin par dhyan se rakh do

isi jaDe mein mumkin hai tumhein in ki zarurat ho

na jaane kyon

hamesha se mujhe lagta hai meri maut ke din

raat ko kohra bahut hoga