waqfa

mere dast-e-muqaddar pe ye gāmzan

muddatoñ āfatoñ se guzartī rahīñ

mere dukh dard meñ ye bhī shāmil rahīñ

ungliyāñ thaam kar mere ḳhvāboñ kī ye sang chaltī rahīñ manziloñ kī taraf

merī āñkhoñ ne jo kuchh na dekhā abhī

misl-e-ā.īna mujh ko dikhātī haiñ ye

vo sabhī giit jo maiñ ne likkhe nahīñ

vo mujhe gungunā kar sunātī haiñ ye

bhed jīvan ke mujh ko batātī haiñ ye

in ko bhī to ḳhudā ne atā kī zabāñ

mere hāthoñ kī rekhā.eñ gūñgī nahīñ

aaj ḳhāmosh haiñ

mere dast-e-muqaddar pe ye gamzan

muddaton aafaton se guzarti rahin

mere dukh dard mein ye bhi shamil rahin

ungliyan tham kar mere KHwabon ki ye sang chalti rahin manzilon ki taraf

meri aankhon ne jo kuchh na dekha abhi

misl-e-aina mujh ko dikhati hain ye

wo sabhi git jo main ne likkhe nahin

wo mujhe gunguna kar sunati hain ye

bhed jiwan ke mujh ko batati hain ye

in ko bhi to KHuda ne ata ki zaban

mere hathon ki rekhaen gungi nahin

aaj KHamosh hain