waqt

bas ek iz.hār

hazāroñ rāteñ jagā saktā hai

be-shumār shāmeñ

mohabbat kī sirf ek lamhe ko daan kī jaatī haiñ

aur kabhī kabhī

har jiit anā ke karb se bojhal ho kar

pashemān rahtī hai

umr-e-ravāñ kā hāsil

is ek jumūd ko

dhutkārne kī ḳhvāhish kā naam hai

jo judā.ī ke ḳhauf se

dhaḌkanoñ ko mayassar rahtā hai

dekhā gayā hai

apnī zaat ke pujārī bhī

vaqt aane par

mohabbat kī bheñT chaḌhte haiñ

jangal meñ banī ek kuTiyā

us kī ek umda misāl hai

saarī umr

is ek tavaqquf kī

tashrīh meñ guzar saktī hai

jo kisī ne kisī se kuchh kahte hue

ek lamhe ko kiyā thā

bas ek iz.hār

hazāroñ rāteñ jagā saktā hai

aur kabhī kabhī ek hī mausam

sadiyoñ Thahar saktā hai

bas ek izhaar

hazaron raaten jaga sakta hai

be-shumar shamen

mohabbat ki sirf ek lamhe ko dan ki jati hain

aur kabhi kabhi

har jit ana ke karb se bojhal ho kar

pasheman rahti hai

umr-e-rawan ka hasil

is ek jumud ko

dhutkarne ki KHwahish ka nam hai

jo judai ke KHauf se

dhaDkanon ko mayassar rahta hai

dekha gaya hai

apni zat ke pujari bhi

waqt aane par

mohabbat ki bhenT chaDhte hain

jangal mein bani ek kuTiya

us ki ek umda misal hai

sari umr

is ek tawaqquf ki

tashrih mein guzar sakti hai

jo kisi ne kisi se kuchh kahte hue

ek lamhe ko kiya tha

bas ek izhaar

hazaron raaten jaga sakta hai

aur kabhi kabhi ek hi mausam

sadiyon Thahar sakta hai