waqt ka taqaza
chalo aao mil-jul ke baiTheñ zarā ham
hai kyoñ itnī nafrat ye socheñ zarā ham
na giitā meñ likkhā na qur.ān meñ hai
magar kaisī fitrat ye insān meñ hai
hameñ talḳhiyoñ ko bhulānā hī hogā
'alam ulfatoñ kā uThānā hī hogā
mohabbat ke do bol boleñ zarā ham
hai kyoñ itnī nafrat ye socheñ zarā ham
sabab kyā hai insāñ banā jo darinda
Darā aur sahmā hai kyoñ har parinda
huā ham pe haavī ye shaitān kyūñkar
tabāhī ke har-sū haiñ imkān kyūñkar
badal kar ravish apnī dekheñ zarā ham
hai kyoñ itnī nafrat ye socheñ zarā ham
chaman varna vīrān ho jā.egā phir
bahāroñ kā mausam na aa pā.egā phir
bilaktī raheñgī ye maa.eñ hamesha
sulagtī raheñgī chitāeñ hamesha
ye nafrat kī āñdhī ko rokeñ zarā ham
hai kyoñ itnī nafrat ye socheñ zarā ham
na sho'le bujheñge na āñdhī rukegī
zamīñ zaḳhm itne bhī kaise sahegī
sabab ham se pūchheñgī nasleñ hamārī
javāban jhukeñgī ye nazreñ hamārī
yahī soch kar lab ye kholeñ zarā ham
hai kyoñ itnī nafrat ye socheñ zarā ham
chalo aao mil-jul ke baiTheñ zarā ham
hai kyoñ itnī nafrat ye socheñ zarā ham
ye socheñ zarā ham
ye socheñ zarā ham
ye socheñ zarā ham
chalo aao mil-jul ke baiThen zara hum
hai kyon itni nafrat ye sochen zara hum
na gita mein likkha na quran mein hai
magar kaisi fitrat ye insan mein hai
hamein talKHiyon ko bhulana hi hoga
'alam ulfaton ka uThana hi hoga
mohabbat ke do bol bolen zara hum
hai kyon itni nafrat ye sochen zara hum
sabab kya hai insan bana jo darinda
Dara aur sahma hai kyon har parinda
hua hum pe hawi ye shaitan kyunkar
tabahi ke har-su hain imkan kyunkar
badal kar rawish apni dekhen zara hum
hai kyon itni nafrat ye sochen zara hum
chaman warna viran ho jaega phir
bahaaron ka mausam na aa paega phir
bilakti rahengi ye maen hamesha
sulagti rahengi chitaen hamesha
ye nafrat ki aandhi ko roken zara hum
hai kyon itni nafrat ye sochen zara hum
na sho'le bujhenge na aandhi rukegi
zamin zaKHm itne bhi kaise sahegi
sabab hum se puchhengi naslen hamari
jawaban jhukengi ye nazren hamari
yahi soch kar lab ye kholen zara hum
hai kyon itni nafrat ye sochen zara hum
chalo aao mil-jul ke baiThen zara hum
hai kyon itni nafrat ye sochen zara hum
ye sochen zara hum
ye sochen zara hum
ye sochen zara hum
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
