waqt ki Dibiya

achchhī ammāñ vaqt kī Dibiyā jo khul jaa.e kahīñ

aur ye ghanTe aur minute saare nikal kar bhaag jaa.eñ

tab mujhe maktab na jaane par burā kahnā na tum

tab to maktab kā na hogā vaqt hī goyā kabhī

jis qadar ghaḌiyāñ haiñ duniyā bhar meñ vo to sab kī sab

dekh lenā das bajānā hī na jāneñgī kabhī

dekho ammāñ ab jo sone ke liye leTūñ na maiñ

tum na ab mujh par ḳhafā honā ḳhatā merī nahīñ

kaise so.uuñ maiñ nishāñ tak bhī na ho jab raat kā

merī ammāñ ab to rāteñ saarī ġhā.eb ho ga.iiñ

achchhī ammāñ aaj to ik baat merī maan lo

bas kahānī par kahānī mujh se tum kahtī raho

tum kahogī ye kahānī ḳhatm hotī hī nahīñ

ḳhatm ho jaa.e kahānī raat jab aage baḌhe

dekh lenā aaj sone ko na hogī der kuchh

vaqt kī Dibiyā ke khul jaane se rāteñ uḌ ga.iiñ

achchhi amman waqt ki Dibiya jo khul jae kahin

aur ye ghanTe aur minute sare nikal kar bhag jaen

tab mujhe maktab na jaane par bura kahna na tum

tab to maktab ka na hoga waqt hi goya kabhi

jis qadar ghaDiyan hain duniya bhar mein wo to sab ki sab

dekh lena das bajaana hi na jaanengi kabhi

dekho amman ab jo sone ke liye leTun na main

tum na ab mujh par KHafa hona KHata meri nahin

kaise soun main nishan tak bhi na ho jab raat ka

meri amman ab to raaten sari ghaeb ho gain

achchhi amman aaj to ek baat meri man lo

bas kahani par kahani mujh se tum kahti raho

tum kahogi ye kahani KHatm hoti hi nahin

KHatm ho jae kahani raat jab aage baDhe

dekh lena aaj sone ko na hogi der kuchh

waqt ki Dibiya ke khul jaane se raaten uD gain