waqt ki mar

zindagī kā bahut vaqt zaa.e.a huā

zindagī ko samajhte hue

ek raste pe girte sañbhalte hue

vaqt ko qaid karne kī koshish rahī

koī lamha magar haath aayā nahīñ

kitne lamhe kisī ajnabī pal ko banñe meñ zaa.e.a hue

ye jo lamhe ga.e in kī buniyād par

jaisī sochī thī vaisī yā nazdīk-tar

ik imārat khaḌī ho ga.ī

ḳhair jab tak nazar bhar ke meñ dekhtā

chand lamhe jo guzre to Dhah bhī ga.ī

jaise miTTī meñ miTTī kā milnā huā

jaise lohe se lohe kā kaTnā huā

jaise paanī ko paanī nigal jaatā hai

vaise lamhoñ ne lamhoñ ko chhū kar diyā

vaqt ko vaqt kī aisī choTeñ lagīñ

koī maazī na maujūd kuchh bhī nahīñ sirf maiñ rah gayā

vo hī raste pe girte sañbhalte hue

zindagī ko samajhte hue

aane vaale paloñ se kahīñ be-ḳhabar

zindagī kā bachā vaqt bhī zaa.e.a karte hue

zindagi ka bahut waqt zaea hua

zindagi ko samajhte hue

ek raste pe girte sanbhalte hue

waqt ko qaid karne ki koshish rahi

koi lamha magar hath aaya nahin

kitne lamhe kisi ajnabi pal ko banne mein zaea hue

ye jo lamhe gae in ki buniyaad par

jaisi sochi thi waisi ya nazdik-tar

ek imarat khaDi ho gai

KHair jab tak nazar bhar ke mein dekhta

chand lamhe jo guzre to Dhah bhi gai

jaise miTTi mein miTTi ka milna hua

jaise lohe se lohe ka kaTna hua

jaise pani ko pani nigal jata hai

waise lamhon ne lamhon ko chhu kar diya

waqt ko waqt ki aisi choTen lagin

koi mazi na maujud kuchh bhi nahin sirf main rah gaya

wo hi raste pe girte sanbhalte hue

zindagi ko samajhte hue

aane wale palon se kahin be-KHabar

zindagi ka bacha waqt bhi zaea karte hue