waqt ki ret pe
vaqt kī ret pe sūraj ne lahū thūkā phir
sā.ateñ koḌā ke dāġhoñ meñ nahā kar niklīñ
machhliyāñ lams ke hāthoñ meñ ghaḌī bhar na rukīñ
haDDiyāñ ḳhvāb ke kuttoñ ne chabā.īñ shab bhar
hijrateñ apne muqaddar meñ lahū-chehra haiñ
kaun ḳhamyāza bhugatne kī salāḳheñ chāTe
kaun zanjīr ke halqoñ meñ samundar bāñdhe
kaun lafzoñ ke mazāroñ pe na.e phuul rakhe
kaun sāyoñ ko talāshe yahāñ qindīl liye
abrha ka.aba kī dīvār ke saa.e meñ jale
kāñch kī chūḌiyāñ bajtī haiñ lahū kī tah meñ
waqt ki ret pe suraj ne lahu thuka phir
saaten koDa ke daghon mein naha kar niklin
machhliyan lams ke hathon mein ghaDi bhar na rukin
haDDiyan KHwab ke kutton ne chabain shab bhar
hijraten apne muqaddar mein lahu-chehra hain
kaun KHamyaza bhugatne ki salaKHen chaTe
kaun zanjir ke halqon mein samundar bandhe
kaun lafzon ke mazaron pe nae phul rakhe
kaun sayon ko talashe yahan qindil liye
abrha kaba ki diwar ke sae mein jale
kanch ki chuDiyan bajti hain lahu ki tah mein
- Book : Hashr ki subh darakhshaz ho (Pg. 109)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
