waqt

ye vaqt kyā hai

kidhar se aatā hai kidhar ko jaatā hai

aur is vaqt ke shikam se nikalte

din aur raat

aur in se phūTte

ghanTe minute aur second

phir in se bante

hafte mahīne saal aur sadiyāñ

ye banñe TūTne juḌne kā amal

kab se shurūa huā hai

kab talak chalegā

kaun hai jis ne inheñ

is ḳhidmat par māmūr kar rakhā hai

apnī zabān se kuchh kahtā na suntā hai

bas har-dam masrūf-e-amal hai

us ne duniyā kī taḳhlīq ko dekhā hai

phir is ke baad is ke ujaḌne kā tamāshā.ī hai

is ke dāman meñ hazāroñ rāteñ hazāroñ kahāniyāñ haiñ

husn-o-ishq kī

tahzīboñ ke banñe bigaḌne kī

zamīñ ke TukḌoñ ke sajne sañvarne kī

suno to sunte raho

urūj-o-zavāl kī nasheb-o-farāz kī

magar kyā daur-e-jadīd ke

chāñd aur sitāroñ par kamand Dālne vāloñ ne

apne kaan band rakhe haiñ

yā itne masrūf haiñ ki unheñ sunñe kī fursat bhī nahīñ hai

maanā ki ham bhī kahānī likh rahe haiñ

auroñ ke liye

magar vo kahānī aisī ho

jise sunāte hue

vaqt ko koī sharmindagī na ho

ye waqt kya hai

kidhar se aata hai kidhar ko jata hai

aur is waqt ke shikam se nikalte

din aur raat

aur in se phuTte

ghanTe minute aur second

phir in se bante

hafte mahine sal aur sadiyan

ye banne TuTne juDne ka amal

kab se shurua hua hai

kab talak chalega

kaun hai jis ne inhen

is KHidmat par mamur kar rakha hai

apni zaban se kuchh kahta na sunta hai

bas har-dam masruf-e-amal hai

us ne duniya ki taKHliq ko dekha hai

phir is ke baad is ke ujaDne ka tamashai hai

is ke daman mein hazaron raaten hazaron kahaniyan hain

husn-o-ishq ki

tahzibon ke banne bigaDne ki

zamin ke TukDon ke sajne sanwarne ki

suno to sunte raho

uruj-o-zawal ki nasheb-o-faraaz ki

magar kya daur-e-jadid ke

chand aur sitaron par kamand Dalne walon ne

apne kan band rakhe hain

ya itne masruf hain ki unhen sunne ki fursat bhi nahin hai

mana ki hum bhi kahani likh rahe hain

auron ke liye

magar wo kahani aisi ho

jise sunate hue

waqt ko koi sharmindagi na ho