watan aazad karne ke liye

hind kā ujḌā chaman ābād karne ke liye

dard ke maare huoñ ko shaad karne ke liye

ik nayā ahd-e-jahāñ ābād karne ke liye

qasr-e-istibdād ko barbād karne ke liye

jhuum kar uTTho vatan āzād karne ke liye

safha-e-hastī se bātil ko miTāne ke liye

ḳhirman-e-ādā pe ab bijlī girāne ke liye

ahl-e-zar kī be-kasī par muskurāne ke liye

ya.anī arvāh-e-salaf ko shaad karne ke liye

jhuum kar uTTho vatan āzād karne ke liye

phir se bhaḌkāo diloñ meñ ġhairatoñ kī aag ko

razm kī jānib baḌhāo jur.atoñ kī baag ko

paañv ke nīche kuchal do sīm-o-zar ke naag ko

zindagānī ko sarāpā shaad karne ke liye

jhuum kar uTTho vatan āzād karne ke liye

mastī-e-sahbā-e-āzādī se lahrāte chalo

abr kī sūrat buland-o-past par chhāte chalo

qahqahoñ se lailī-e-maġhrib ko sharmāte chalo

phir dayār-e-hind ko ābād karne ke liye

jhuum kar uTTho vatan āzād karne ke liye

hind ka ujDa chaman aabaad karne ke liye

dard ke mare huon ko shad karne ke liye

ek naya ahd-e-jahan aabaad karne ke liye

qasr-e-istibdad ko barbaad karne ke liye

jhum kar uTTho watan aazad karne ke liye

safha-e-hasti se baatil ko miTane ke liye

KHirman-e-ada pe ab bijli girane ke liye

ahl-e-zar ki be-kasi par muskurane ke liye

yani arwah-e-salaf ko shad karne ke liye

jhum kar uTTho watan aazad karne ke liye

phir se bhaDkao dilon mein ghairaton ki aag ko

razm ki jaanib baDhao juraton ki bag ko

panw ke niche kuchal do sim-o-zar ke nag ko

zindagani ko sarapa shad karne ke liye

jhum kar uTTho watan aazad karne ke liye

masti-e-sahba-e-azadi se lahraate chalo

abr ki surat buland-o-past par chhate chalo

qahqahon se laili-e-maghrib ko sharmate chalo

phir dayar-e-hind ko aabaad karne ke liye

jhum kar uTTho watan aazad karne ke liye