watan ke liye dua

yahāñ na koī daraḳht hogā

na phuul patte na ghaas shabnam

na chāñd rātoñ ko apnā chehra dikhā sakegā

na din ko sūraj

havā salāḳhoñ se sar paTaḳh kar

gale meñ phandā liye yūñhī dar-ba-dar phiregī

ye merī dhartī yūñhī rahegī

ḳhizāñ havāoñ ne us kī shādābiyoñ ke manzar ujāḌne ko

vo gul khilā.e

qazā bhī qistoñ meñ aa rahī hai

mirā vatan ek būḌhe bargad kī shāḳh-e-nāzuk banā huā hai

mirī duā hai

ki maiñ bhī karb-o-balā se guzrūñ

ki aise shādāb manzaroñ kā ujāḌ-pan

maiñ na dekh pā.ūñ

yahan na koi daraKHt hoga

na phul patte na ghas shabnam

na chand raaton ko apna chehra dikha sakega

na din ko suraj

hawa salaKHon se sar paTaKH kar

gale mein phanda liye yunhi dar-ba-dar phiregi

ye meri dharti yunhi rahegi

KHizan hawaon ne us ki shadabiyon ke manzar ujaDne ko

wo gul khilae

qaza bhi qiston mein aa rahi hai

mera watan ek buDhe bargad ki shaKH-e-nazuk bana hua hai

meri dua hai

ki main bhi karb-o-bala se guzrun

ki aise shadab manzaron ka ujaD-pan

main na dekh paun