wo aankhen kanwal banin

vo āñkheñ kañval banīñ aur ḳhushk huiiñ

aur kañval banīñ aur ḳhushk huiiñ

koī dekhne aayā

āñkheñ aan kī aan meñ kañval banīñ aur ḳhushk huiiñ

aur daldal phailā simaT gayā

aur raat kī chādar phail ga.ī

koī dekhne aayā

aan kī aan meñ daldal phailā simaT gayā

ab hāthī daañt ke rasiyā aa.eñ to aa.eñ

tum ghar kī mailī chādar le kar aa.e the

aur jhāḌī meñ chiḌiyoñ ke anDe DhūñDte the

aur ḳhush the

aur anDe haath hī haath meñ TuuT ga.e

tum ro.e the

aur rone vaale ghar jā kar bhī rote haiñ

vo āñkheñ kañval banīñ aur ḳhushk huiiñ

aur kañval banīñ aur ḳhushk huiiñ

kal bārish kaisī tez huī

nit bādal phaile diye jale

maiñ chādar oḌh ke baiTh gayā

jo chādar oḌh ke baiTh gayā so chādar oḌh ke baiTh gayā

phir patthar jaisā din niklā

vo āñkheñ kañval banīñ aur ḳhushk huiiñ aur kañval banīñ aur ḳhushk huiiñ

tum jañgal jā kar dekhoge

jab patte miTTī meñ dab jaate haiñ

miTTī ke ho jaate haiñ

ab pattoñ kā kyā ronā

aur āñkhoñ kā kyā ronā

aur daldal kā kyā ronā

vo hāthī daañt ke rasiyā to ā.eñge

maiñ kandhā dene chalā kisī ko

aur kahīñ ko chal niklā

ab jogī banūñ yā sher kahūñ

ab āñkheñ kañval baneñ yā bujh jaa.eñ

ab daldal phaile yā simTe

ab daldal kā kyā ronā

ab āñkhoñ kā kyā ronā

ab rone vāloñ par rone vāloñ kā kyā ronā

wo aankhen kanwal banin aur KHushk huin

aur kanwal banin aur KHushk huin

koi dekhne aaya

aankhen aan ki aan mein kanwal banin aur KHushk huin

aur daldal phaila simaT gaya

aur raat ki chadar phail gai

koi dekhne aaya

aan ki aan mein daldal phaila simaT gaya

ab hathi dant ke rasiya aaen to aaen

tum ghar ki maili chadar le kar aae the

aur jhaDi mein chiDiyon ke anDe DhunDte the

aur KHush the

aur anDe hath hi hath mein TuT gae

tum roe the

aur rone wale ghar ja kar bhi rote hain

wo aankhen kanwal banin aur KHushk huin

aur kanwal banin aur KHushk huin

kal barish kaisi tez hui

nit baadal phaile diye jale

main chadar oDh ke baiTh gaya

jo chadar oDh ke baiTh gaya so chadar oDh ke baiTh gaya

phir patthar jaisa din nikla

wo aankhen kanwal banin aur KHushk huin aur kanwal banin aur KHushk huin

tum jangal ja kar dekhoge

jab patte miTTi mein dab jate hain

miTTi ke ho jate hain

ab patton ka kya rona

aur aankhon ka kya rona

aur daldal ka kya rona

wo hathi dant ke rasiya to aaenge

main kandha dene chala kisi ko

aur kahin ko chal nikla

ab jogi banun ya sher kahun

ab aankhen kanwal banen ya bujh jaen

ab daldal phaile ya simTe

ab daldal ka kya rona

ab aankhon ka kya rona

ab rone walon par rone walon ka kya rona