wo aurat

ghar kī izzat kā bharam rakhtī rahī vo aurat

zindagī jiitī rahī apnī sañbhāle hurmat

apne bachchoñ ke liye jiitī rahī thī ab tak

zahr hālāt kā ḳhud piitī rahī thī ab tak

umr-bhar zulm-o-sitam hañste hue sahtī rahī

apne hī aap se guzrī jo use kahtī rahī

sirf ik chhat hī milī pyaar kā saaya na milā

mutma.in ziist kā ġhuncha na kabhī dil kā khilā

bāl-bachche bhī javāñ ho ke hue begāne

maañ pe kyā biit ga.ī us se rahe anjāne

lekin ye tauq-e-ġhulāmī use ab toḌnā hai

vaqt ke dhāre ko apnī hī taraf moḌnā hai

ab jiyegī vo yahāñ zaat kī ḳhātir apnī

ek din ḳhud se mulāqāt kī ḳhātir apnī

apnī pahchān pe paikar pe ye dil vāregī

hārtī aa.ī hai ab aur nahīñ hāregī

ghar ki izzat ka bharam rakhti rahi wo aurat

zindagi jiti rahi apni sanbhaale hurmat

apne bachchon ke liye jiti rahi thi ab tak

zahr haalat ka KHud piti rahi thi ab tak

umr-bhar zulm-o-sitam hanste hue sahti rahi

apne hi aap se guzri jo use kahti rahi

sirf ek chhat hi mili pyar ka saya na mila

mutmain zist ka ghuncha na kabhi dil ka khila

baal-bachche bhi jawan ho ke hue begane

man pe kya bit gai us se rahe anjaane

lekin ye tauq-e-ghulami use ab toDna hai

waqt ke dhaare ko apni hi taraf moDna hai

ab jiyegi wo yahan zat ki KHatir apni

ek din KHud se mulaqat ki KHatir apni

apni pahchan pe paikar pe ye dil waregi

haarti aai hai ab aur nahin haaregi