wo hans rahe hai

maiñ ne kahā ye mulk ek hai

to sab ke liye ek sā ho qānūn

to unhoñne kahā ki

maiñ firqa-parast kī tarah boltā huuñ

maiñ ne kahā ki mandir masjid se ziyāda zarūrī hai

ta.alīm har insān ko aur har peT ko roTī

to unhoñne kahā ki

maiñ nāstik sā īshvar ko zarūrat meñ toltā huuñ

maiñ ne kahā ki tum ham ne chune ho

to hamārā vikās karo

na sirf apnī tijoriyāñ bharo

to unhoñne kahā ki

maiñ be-vaj.h raaz kholtā huuñ

maiñ ne kahā saarā mulk ek hai

bas kuchh din meñ badal deñge

mil kar ham saarā nizām

vo kuchh nahīñ bole ab

bas hañste rahe

merī baat aur mere ḳhayālāt par

ab vo sab zor se hañs rahe hai

aur mere paañv jaise dhartī meñ dhañs rahe haiñ

maiñ jāntā huuñ ki vo saare mulk par hañs rahe haiñ

main ne kaha ye mulk ek hai

to sab ke liye ek sa ho qanun

to unhonne kaha ki

main firqa-parast ki tarah bolta hun

main ne kaha ki mandir masjid se ziyaada zaruri hai

talim har insan ko aur har peT ko roTi

to unhonne kaha ki

main nastik sa ishwar ko zarurat mein tolta hun

main ne kaha ki tum hum ne chune ho

to hamara wikas karo

na sirf apni tijoriyan bharo

to unhonne kaha ki

main be-wajh raaz kholta hun

main ne kaha sara mulk ek hai

bas kuchh din mein badal denge

mil kar hum sara nizam

wo kuchh nahin bole ab

bas hanste rahe

meri baat aur mere KHayalat par

ab wo sab zor se hans rahe hai

aur mere panw jaise dharti mein dhans rahe hain

main jaanta hun ki wo sare mulk par hans rahe hain