wo hansti hai to uske hath rote hain

kisī ke ba.ad

apne hāthoñ kī bad-sūratī meñ kho ga.ī hai vo

mujhe kahtī hai 'tābish'! tum ne dekhā mere hāthoñ ko

bure haiñ naañ?

agar ye ḳhūbsūrat the to in meñ koī bosa kyuuñ nahīñ Thahrā''

ajab laḌkī hai

puure jism se kaT kar faqat hāthoñ meñ zinda hai

surāhī-dār gardan narm hoñToñ tez nazroñ se vo bad-zan hai

ki in apnoñ ne hī us ko sar-e-bāzār pheñkā thā

kabhī āñkhoñ meñ Duubī

aur kabhī bistar pe silvaT kī tarah ubhrī

ajab laḌkī hai

ḳhud ko DhūñDtī hai

apne hāthoñ kī lakīroñ meñ

jahāñ vo thī na hai, ā.inda bhī shāyad nahīñ hogī

vo jab uñglī ghumā kar

'faiz' kī nazmeñ sunātī hai

to is ke haath se puure badan kā dukh jhalaktā hai

vo hañstī hai to us ke haath rote haiñ

ajab laḌkī hai

puure jism se kaT kar faqat hāthoñ meñ zinda hai

mujhe kahtī hai '''tābish'! tum ne dekhā mere hāthoñ ko

bure haiñ nāñ''?

maiñ shāyad gir chukā huuñ apnī nazroñ se

maiñ chhupnā chāhtā huuñ us ke thaile meñ

jahāñ cigarette haiñ māchis hai

jo us kā haal maazī aur mustaqbil!

ajab laḌkī hai

aa.e to ḳhushī kī tarah aatī hai

use mujh se mohabbat hai

ki shāyad mujh meñ bhī bad-sūratī hai us ke hāthoñ kii!

kisi ke baad

apne hathon ki bad-surati mein kho gai hai wo

mujhe kahti hai 'tabish'! tum ne dekha mere hathon ko

bure hain nan?

agar ye KHubsurat the to in mein koi bosa kyun nahin Thahra

ajab laDki hai

pure jism se kaT kar faqat hathon mein zinda hai

surahi-dar gardan narm honTon tez nazron se wo bad-zan hai

ki in apnon ne hi us ko sar-e-bazar phenka tha

kabhi aankhon mein Dubi

aur kabhi bistar pe silwaT ki tarah ubhri

ajab laDki hai

KHud ko DhunDti hai

apne hathon ki lakiron mein

jahan wo thi na hai, aainda bhi shayad nahin hogi

wo jab ungli ghuma kar

'faiz' ki nazmen sunati hai

to is ke hath se pure badan ka dukh jhalakta hai

wo hansti hai to us ke hath rote hain

ajab laDki hai

pure jism se kaT kar faqat hathon mein zinda hai

mujhe kahti hai 'tabish'! tum ne dekha mere hathon ko

bure hain nan?

main shayad gir chuka hun apni nazron se

main chhupna chahta hun us ke thaile mein

jahan cigarette hain machis hai

jo us ka haal mazi aur mustaqbil!

ajab laDki hai

aae to KHushi ki tarah aati hai

use mujh se mohabbat hai

ki shayad mujh mein bhi bad-surati hai us ke hathon ki!