wo

ik rāz-e-tamanna ki jo hoñToñ pe chalā aa.e

ik harf-e-mukarrar ki jo bātoñ meñ kahā jaa.e

is naaz pe andāz pe shoḳhī pe adā laa.e

yādoñ meñ ḳhayāloñ meñ tasavvur meñ basā jaa.e

kyā baat hai kyā baat hai vo kaun hai vo kaun

ik dard hai jo har ghaḌī siine meñ hai paivast

ik choT hai ki dard bhī ho jaatā hai badmast

ik shaḳhs hai ki jis ke sarāpā se sabhī past

jo zehn meñ jo ḳhuun meñ rag rag se rahe bast

kyā baat hai kyā baat hai vo kaun hai vo kaun

ehsās hai ik jo bhare har por meñ mastī

muskān jo jiine ke tasavvur ko de hastī

ik fard kī peshānī se chamke mirī getī

jo laa.e ḳhushī mastī-o-sarmastī-o-rastī

kyā baat hai kyā baat hai vo kaun hai vo kaun

vo ek kashish jis se mirā dil hai khiñchā jaa.e

vo chaah ki har chaah pe haavī hai huā jaa.e

vo dilkash-o-dil-dār jo āñkhoñ meñ samā jaa.e

vo ek hasīñ zohra-jabīñ man meñ basā jaa.e

kyā baat hai kyā baat hai vo kaun hai vo kaun

vo āñkhoñ meñ ġhussa ki jo vahshat kī balā ho

vo māthe pe bal jaise ki shamshīr dharā ho

dilbar vo mirā jaan kā dushman jo banā ho

īmān le ke jaan le ke ḳhush jo huā ho

kyā baat hai kyā baat hai vo kaun hai vo kaun

ek raaz-e-tamanna ki jo honTon pe chala aae

ek harf-e-mukarrar ki jo baaton mein kaha jae

is naz pe andaz pe shoKHi pe ada lae

yaadon mein KHayalon mein tasawwur mein basa jae

kya baat hai kya baat hai wo kaun hai wo kaun

ek dard hai jo har ghaDi sine mein hai paiwast

ek choT hai ki dard bhi ho jata hai badmast

ek shaKHs hai ki jis ke sarapa se sabhi past

jo zehn mein jo KHun mein rag rag se rahe bast

kya baat hai kya baat hai wo kaun hai wo kaun

ehsas hai ek jo bhare har por mein masti

muskan jo jine ke tasawwur ko de hasti

ek fard ki peshani se chamke meri geti

jo lae KHushi masti-o-sarmasti-o-rasti

kya baat hai kya baat hai wo kaun hai wo kaun

wo ek kashish jis se mera dil hai khincha jae

wo chah ki har chah pe hawi hai hua jae

wo dilkash-o-dil-dar jo aankhon mein sama jae

wo ek hasin zohra-jabin man mein basa jae

kya baat hai kya baat hai wo kaun hai wo kaun

wo aankhon mein ghussa ki jo wahshat ki bala ho

wo mathe pe bal jaise ki shamshir dhara ho

dilbar wo mera jaan ka dushman jo bana ho

iman le ke jaan le ke KHush jo hua ho

kya baat hai kya baat hai wo kaun hai wo kaun