wo inqalab ka mutrib

na.ī rutoñ kā muġhannī na.ī sahar kā naqīb

bujhe diloñ kā masīhā vo tīrgī kā raqīb

vo apne ahd kā cupid vo devtā fan kā

vo somnāt-e-mohabbat kā but-shikan kitne

hadaf banā ke chale aur ḳhud hadaf Thahre

vo apne ahd kā gautam

vo sulh-e-kul kā samundar vo āshtī kā jahāñ

dukhoñ kī kāhkashā.eñ sajā.e āñkhoñ meñ

rah-e-najāt kī mash.al jalā.e āñkhoñ meñ

laboñ pe ḳhanda-e-gul kī kiran damaktī huī

nazar sulagtī huī

diye jaa.e hue gyaan ke dhiyān ke diip

shu.ūr-e-zīst kā vo rahguzar ujaal gayā

Dagar pe fikr kī sūraj nayā uchhāl gayā

dayār-e-husn kā mahram

vo sahar-sāz sarāpā vo shaḳhsiyat kā jamāl

kisī ḳhayāl kā paikar kisī sanam kā ḳhayāl

hai qaht-e-lafz-o-ma.ānī kā marhala darpesh

qalam ko radd-e-ravānī kā mas.ala darpesh

tilism-e-dīda-e-bedār kah nahīñ saktā

vo inqalāb kā mutrib

na.ī rutoñ kā muġhannī na.ī sahar kā naqīb

janāb-e-'faiz' matā.a-e-hayāt-o-harf-o-hunar

zabāñ pe baare ḳhudāyā ye kis kā naam aaya

ki mere nutq ne bose mirī zabāñ ke liye

nai ruton ka mughanni nai sahar ka naqib

bujhe dilon ka masiha wo tirgi ka raqib

wo apne ahd ka cupid wo dewta fan ka

wo somnat-e-mohabbat ka but-shikan kitne

hadaf bana ke chale aur KHud hadaf Thahre

wo apne ahd ka gautam

wo sulh-e-kul ka samundar wo aashti ka jahan

dukhon ki kahkashaen sajae aankhon mein

rah-e-najat ki mashal jalae aankhon mein

labon pe KHanda-e-gul ki kiran damakti hui

nazar sulagti hui

diye jae hue gyan ke dhiyan ke dip

shuur-e-zist ka wo rahguzar ujal gaya

Dagar pe fikr ki suraj naya uchhaal gaya

dayar-e-husn ka mahram

wo sahar-saz sarapa wo shaKHsiyat ka jamal

kisi KHayal ka paikar kisi sanam ka KHayal

hai qaht-e-lafz-o-maani ka marhala darpesh

qalam ko radd-e-rawani ka masala darpesh

tilism-e-dida-e-bedar kah nahin sakta

wo inqalab ka mutrib

nai ruton ka mughanni nai sahar ka naqib

janab-e-'faiz' mataa-e-hayat-o-harf-o-hunar

zaban pe bare KHudaya ye kis ka nam aaya

ki mere nutq ne bose meri zaban ke liye