wo laDki

ajab laḌkī hai vo laḌkī jise mujh se mohabbat hai

binā dekhe hue mujh ko guzartā din nahīñ jis kā

jo rātoñ meñ mirī ḳhātir bahut bechain rahtī hai

jo mere jāgne se pahle pahle jaag jaatī hai

salīqe aur tarīqe se mirī har chiiz rakhtī hai

maiñ office ke liye niklūñ mujhe vo coat pahnā.e

maiñ vāpas aa.uuñ office se mujhe dekhe to us ko chain aatā hai

yaqīnan ḳhud se baḌh kar mujh ko paglī pyaar kartī hai

laboñ par lams kī ḳhātir bahut betāb rahtī hai

ye merā muntazir rahnā koī aadat sī lagtī hai

ki jaise lams meñ duniyā kī sab ḳhushiyāñ muqayyad hoñ

mujhe paane kī ḳhātir vo bahut betāb rahtī hai

jise paane kī ḳhātir maiñ bahut betāb rahtā huuñ

vo laḌkī vo ajab laḌkī mire ḳhvāboñ meñ bastī hai

ajab laDki hai wo laDki jise mujh se mohabbat hai

bina dekhe hue mujh ko guzarta din nahin jis ka

jo raaton mein meri KHatir bahut bechain rahti hai

jo mere jagne se pahle pahle jag jati hai

saliqe aur tariqe se meri har chiz rakhti hai

main office ke liye niklun mujhe wo coat pahnae

main wapas aaun office se mujhe dekhe to us ko chain aata hai

yaqinan KHud se baDh kar mujh ko pagli pyar karti hai

labon par lams ki KHatir bahut betab rahti hai

ye mera muntazir rahna koi aadat si lagti hai

ki jaise lams mein duniya ki sab KHushiyan muqayyad hon

mujhe pane ki KHatir wo bahut betab rahti hai

jise pane ki KHatir main bahut betab rahta hun

wo laDki wo ajab laDki mere KHwabon mein basti hai