wo raushni

palkoñ se merī phir vahī uljhī hai raushnī

vo raushnī jo ek sub.h chal dī tyaag kar

mere hisār-e-ġham ke shikasta makān ko

mere dayār-e-jism ke har rang-o-bū se duur

vo raushnī jo dhūeñ kī chādar meñ kho ga.ī

vo raushnī jo aag kī lapToñ meñ thī ravāñ

simTī to raakh ban ga.ī mere nasīb kī

vo raakh jo ki dafn hai gañgā kī god meñ

palkon se meri phir wahi uljhi hai raushni

wo raushni jo ek subh chal di tyag kar

mere hisar-e-gham ke shikasta makan ko

mere dayar-e-jism ke har rang-o-bu se dur

wo raushni jo dhuen ki chadar mein kho gai

wo raushni jo aag ki lapTon mein thi rawan

simTi to rakh ban gai mere nasib ki

wo rakh jo ki dafn hai ganga ki god mein