wo zinda hai

gulābī daur meñ

vo apne fan kā shāhzāda thā

fazā-e-āriz-o-chashm-o-lab-o-gesū kā shaidā.ī

vo uryāñ

nīm-uryāñ jism kī qaus-e-quzah

un kā ta.assur

un kī bijlī

apnī tasvīroñ meñ bhartā thā

hasīnoñ ke diloñ meñ vo thā

ḳhud bhī un pe martā thā

use us daur meñ

izzat milī

daulat milī lekin

dil-e-rūmān-parvar meñ

koī sho.ala sā bhī mahsūs kartā thaa!

2

musavvir hī ke naate

us kā ''shash-pahlū'' tasavvur

ek sho.ala thā

ki jis ne fan kā vo pichhlā tasavvur ḳhaak kar Daalā

vo tasvīroñ meñ

tajrīdī tasavvur zindagānī kā

baḌī ḳhūbī se bhartā thā

dikhā.ī dene vaalā ik nayā sañgīt detā thā

3

vo janib-dār thā

aur saaf kahtā thā

ki jab insāniyat

tahzīb

aur ālā-tarīn qadreñ

ghirī hoñ saḳht ḳhatroñ meñ

to ik fankār par bhī ye batānā farz hotā hai

ki vo kis kī taraf hai

fan kā us se kyā taqāzā hai

4

''pikāso'' mar gayā

ye sog hai lekin

''pikāso'' ab bhī zinda hai

vo apne shah-kāroñ meñ

usī andāz se khoyā huā hai

aur kahtā hai:

maiñ zinda huuñ

diloñ ke dard ko

bechainiyoñ ko

iztiraاbiyoñ

aur aahoñ ko

kahīñ ik ''manzil-e-zinda'' se pahle maut aatī hai

gulabi daur mein

wo apne fan ka shahzada tha

faza-e-ariz-o-chashm-o-lab-o-gesu ka shaidai

wo uryan

nim-uryan jism ki qaus-e-quzah

un ka tassur

un ki bijli

apni taswiron mein bharta tha

hasinon ke dilon mein wo tha

KHud bhi un pe marta tha

use us daur mein

izzat mili

daulat mili lekin

dil-e-ruman-parwar mein

koi shoala sa bhi mahsus karta tha!

2

musawwir hi ke nate

us ka shash-pahlu tasawwur

ek shoala tha

ki jis ne fan ka wo pichhla tasawwur KHak kar Dala

wo taswiron mein

tajridi tasawwur zindagani ka

baDi KHubi se bharta tha

dikhai dene wala ek naya sangit deta tha

3

wo janib-dar tha

aur saf kahta tha

ki jab insaniyat

tahzib

aur aala-tarin qadren

ghiri hon saKHt KHatron mein

to ek fankar par bhi ye batana farz hota hai

ki wo kis ki taraf hai

fan ka us se kya taqaza hai

4

pikaso mar gaya

ye sog hai lekin

pikaso ab bhi zinda hai

wo apne shah-karon mein

usi andaz se khoya hua hai

aur kahta hai:

main zinda hun

dilon ke dard ko

bechainiyon ko

iztiraاbiyon

aur aahon ko

kahin ek manzil-e-zinda se pahle maut aati hai