yaad aa gae bachche

kis se pūchhiye jā kar kyoñ bigaḌ ga.e bachche

ātishīñ khilaunoñ se khelne lage bachche

kuchh na.e taqāze haiñ is na.e zamāne ke

ab kahāñ machalte haiñ chāñd ke liye bachche

kho ga.e ta.assub ke be-karāñ añdheroñ meñ

shahr kī fazāoñ meñ mere gaañv ke bachche

do-ghaḌī laḌā.ī hai phir vahī safā.ī hai

ham baḌoñ se achchhe haiñ be-shu.ūr se bachche

ik qadam bhī phir aage maiñ na chal sakā 'shāhid'

jab kaḌī masāfat meñ yaad aa ga.e bachche

kis se puchhiye ja kar kyon bigaD gae bachche

aatishin khilaunon se khelne lage bachche

kuchh nae taqaze hain is nae zamane ke

ab kahan machalte hain chand ke liye bachche

kho gae tassub ke be-karan andheron mein

shahr ki fazaon mein mere ganw ke bachche

do-ghaDi laDai hai phir wahi safai hai

hum baDon se achchhe hain be-shuur se bachche

ek qadam bhi phir aage main na chal saka 'shahid'

jab kaDi masafat mein yaad aa gae bachche