یاد حالی

پانی پت میں ہے جشن صد سالہ

آج پھر تازہ یاد حالی ہے

فرد اول ہوا وطن میں وہ

شان اس کی سبھوں سے عالی ہے

سلطنت کھو کے مٹ چکے تھے ہم

مرد عاقل نے جان ڈالی ہے

درد سے جس کے ہیں بھرے اوراق

وہ مسدس وہ نظم حالی ہے

خفتہ مسلم کو کر دیا بیدار

ڈوبتی ناؤ کو سنبھالی ہے

کایا اس نے ادب کی پلٹی ہے

اور نئی جان اس میں ڈالی ہے

کیسا پر درد ہے ہر اک مصرع

شان اس نظم کی نرالی ہے

ایسے بندوں پہ رحمت حق ہے

ان کا جنت مقام عالی ہے

ناز واجب ہے اس کا اے کبریٰؔ

جس کی رہبر کتاب حالی ہے