yaad-e-mazi

tanhā.i-e-dil jab baḌhtī hai

jab yaas kī gahrī tārīkī duniyā-e-dil par chhātī hai

chupke se tirī yādoñ kī kiran

chilman ko haTā kar aatī hai

aur dil mirā bahlātī hai

tum duur huī jūñ-hī ham se

yādoñ ke shabistāñ jaag uThe

phir dil kī kalī muskā na sakī

aur giit ḳhushī ke gā na sakī

ik tum ho ham se duur kahīñ

zar-kār jharoke meñ baiThī

yādoñ ko bhulā.e jaatī ho

ik ham haiñ terī rāhoñ meñ

palkoñ ko bichhā.e baiThe haiñ

shāyad ki tirā ho jaa.e guzar

iflās ke in sahrāoñ se

duniyā ke in vīrānoñ se

tanhai-e-dil jab baDhti hai

jab yas ki gahri tariki duniya-e-dil par chhati hai

chupke se teri yaadon ki kiran

chilman ko haTa kar aati hai

aur dil mera bahlati hai

tum dur hui jun-hi hum se

yaadon ke shabistan jag uThe

phir dil ki kali muska na saki

aur git KHushi ke ga na saki

ek tum ho hum se dur kahin

zar-kar jharoke mein baiThi

yaadon ko bhulae jati ho

ek hum hain teri rahon mein

palkon ko bichhae baiThe hain

shayad ki tera ho jae guzar

iflas ke in sahraon se

duniya ke in viranon se