yaad hai

yaad hai biich raah ke tum ne

kis tarah lā ke mujh ko chhoḌā thā

merī ummīd mere ḳhvāboñ ko

kis takabbur se tum ne toḌā sā

yaad hai tum ko bebasī merī

mere aañsū vo be-kasī merī

yā mujhe hai yā mere dil ko pata

kis tarah se vo daur guzrā thā

vaqt lagtā thā jaise Thahrā thā

yaad hai

ġham kī gahrī daldal se

ḳhud ko ḳhud maiñ ne jab nikālā thā

kitnī mushkil se dil sañbhālā thā

yaad hai

kitne din maiñ taḌpī thī

kitnā roī thī kitnā siskī thī

ab to ik umr ho ga.ī is ko

ab to vo yaad yaad bhī na rahī

ab to ik vāqi.a sā lagtā hai

yaad ke dhuñdlakoñ meñ Duubā huā

ek dhuñdlā sā saaya lagtā hai

ab na vo maiñ na zindagī vaisī

ab to ḳhvāboñ meñ maiñ nahīñ jiitī

tum se ummīd bhī nahīñ rakhtī

tum bhī ḳhvāboñ se duur hī rahnā

koī ummīd mujh se mat rakhnā

yaad hai bich rah ke tum ne

kis tarah la ke mujh ko chhoDa tha

meri ummid mere KHwabon ko

kis takabbur se tum ne toDa sa

yaad hai tum ko bebasi meri

mere aansu wo be-kasi meri

ya mujhe hai ya mere dil ko pata

kis tarah se wo daur guzra tha

waqt lagta tha jaise Thahra tha

yaad hai

gham ki gahri daldal se

KHud ko KHud main ne jab nikala tha

kitni mushkil se dil sanbhaala tha

yaad hai

kitne din main taDpi thi

kitna roi thi kitna siski thi

ab to ek umr ho gai is ko

ab to wo yaad yaad bhi na rahi

ab to ek waqia sa lagta hai

yaad ke dhundlakon mein Duba hua

ek dhundla sa saya lagta hai

ab na wo main na zindagi waisi

ab to KHwabon mein main nahin jiti

tum se ummid bhi nahin rakhti

tum bhi KHwabon se dur hi rahna

koi ummid mujh se mat rakhna