یاد ہے

یاد ہے بیچ راہ کے تم نے

کس طرح لا کے مجھ کو چھوڑا تھا

میری امید میرے خوابوں کو

کس تکبر سے تم نے توڑا سا

یاد ہے تم کو بے بسی میری

میرے آنسو وہ بے کسی میری

یا مجھے ہے یا میرے دل کو پتہ

کس طرح سے وہ دور گزرا تھا

وقت لگتا تھا جیسے ٹھہرا تھا

یاد ہے

غم کی گہری دلدل سے

خود کو خود میں نے جب نکالا تھا

کتنی مشکل سے دل سنبھالا تھا

یاد ہے

کتنے دن میں تڑپی تھی

کتنا روئی تھی کتنا سسکی تھی

اب تو اک عمر ہو گئی اس کو

اب تو وہ یاد یاد بھی نہ رہی

اب تو اک واقعہ سا لگتا ہے

یاد کے دھندلکوں میں ڈوبا ہوا

ایک دھندلا سا سایہ لگتا ہے

اب نہ وہ میں نہ زندگی ویسی

اب تو خوابوں میں میں نہیں جیتی

تم سے امید بھی نہیں رکھتی

تم بھی خوابوں سے دور ہی رہنا

کوئی امید مجھ سے مت رکھنا