yaad

is ek kamre meñ jaane kitnī tumhārī yādeñ basī huī haiñ

lipaT ke mujh se ye rone lagtī haiñ yaar be-iḳhtiyār ho kar

ke maiñ bhī un ke kisī ishāre pe ro hī duuñ zār-zār ho kar

ye sab tumhārī hī sāzisheñ haiñ

ye sab tumhārā kiyā huā hai

ki phuul shabnam girā rahā hai

vo ro rahā hai kyāriyoñ meñ

vo ek kamra jahāñ pe tum ho

ye ek kamra jo khul rahā hai

phisal rahā hai ye vaqt hāthoñ se ret jaise phisal rahī ho

har ek din hai baras ke jaisā baras bhī jis meñ hazār din hoñ

guzar rahī hai ye zindagī yuuñ ye zindagī ke ḳharāb din hoñ

na yaad karne kī intihā hai jo yaad aane lagī ho ab tum

rukī thī kab tum

haqīqatan is daf'a jo tum ne lagāyā siine se ro na duuñ maiñ

ye vasvasa hai ki tum ko maiñ ne jo dil se chāhā to kho na duuñ maiñ

ye kis ne anjām likh diyā hai dil-o-mohabbat kā yaar aisā ki ḳhaar jaisā

vo kaun thā jo lagā ke baiThā thā dil kisī se

vo kaun thā jis kā dil huā zār-zār aisā

tumheñ bhulāne kī koshishoñ meñ ye āḳhirī din hai jaan yā'nī

ye āḳhirī din hai jaan yā'nī

tumheñ bhulā.ūñgā kis tarah se ye baat aakar batā bhī jaanā

na lauT aanā

jo dil kare to uThā ke tasvīr dekh lenā

jo dil kare to uThā ke tasvīr muskurānā

vo yaad karnā jo ek 'arse se bhūlnā maiñ bhī chāhtā huuñ

kisī bhī qīmat pe chāhtā huuñ bhulā duuñ tum ko

kisī bhī qīmat pe chāhtā huuñ miTā duuñ tum ko

maiñ qurbatoñ kā hasīn pannā sañjo ke rakhne kī be-ijāzat sazā duuñ tum ko

magar jo honā thā ho gayā hai

jis ek kāġhaz pe ham likhā thā vo jal gayā hai

jalā bhī aise ki kāġhazī sā bachā huā hai

magar tumheñ kuchh kisī bhī hālat na sochnā hai na lauTnā hai

na lauTne ke vo fā.ede tum yuuñ sādgī se hī likh ke laanā

agar bichhaḌnā paḌā bhī ham ko to ruḳhsatī meñ hañsī hañsī hī gale lagānā

palaT ke ab ke na dekhnā tum na muskurānā na lauT aanā

tumheñ bhulāne kī koshishoñ meñ ye āḳhirī din hai jān-e-jānāñ

ye āḳhirī din hai jān-e-jānāñ

is ek kamre mein jaane kitni tumhaari yaaden basi hui hain

lipaT ke mujh se ye rone lagti hain yar be-iKHtiyar ho kar

ke main bhi un ke kisi ishaare pe ro hi dun zar-zar ho kar

ye sab tumhaari hi sazishen hain

ye sab tumhaara kiya hua hai

ki phul shabnam gira raha hai

wo ro raha hai kyariyon mein

wo ek kamra jahan pe tum ho

ye ek kamra jo khul raha hai

phisal raha hai ye waqt hathon se ret jaise phisal rahi ho

har ek din hai baras ke jaisa baras bhi jis mein hazar din hon

guzar rahi hai ye zindagi yun ye zindagi ke KHarab din hon

na yaad karne ki intiha hai jo yaad aane lagi ho ab tum

ruki thi kab tum

haqiqatan is daf'a jo tum ne lagaya sine se ro na dun main

ye waswasa hai ki tum ko main ne jo dil se chaha to kho na dun main

ye kis ne anjam likh diya hai dil-o-mohabbat ka yar aisa ki KHar jaisa

wo kaun tha jo laga ke baiTha tha dil kisi se

wo kaun tha jis ka dil hua zar-zar aisa

tumhein bhulane ki koshishon mein ye aaKHiri din hai jaan ya'ni

ye aaKHiri din hai jaan ya'ni

tumhein bhulaunga kis tarah se ye baat aakar bata bhi jaana

na lauT aana

jo dil kare to uTha ke taswir dekh lena

jo dil kare to uTha ke taswir muskurana

wo yaad karna jo ek 'arse se bhulna main bhi chahta hun

kisi bhi qimat pe chahta hun bhula dun tum ko

kisi bhi qimat pe chahta hun miTa dun tum ko

main qurbaton ka hasin panna sanjo ke rakhne ki be-ijazat saza dun tum ko

magar jo hona tha ho gaya hai

jis ek kaghaz pe hum likha tha wo jal gaya hai

jala bhi aise ki kaghazi sa bacha hua hai

magar tumhein kuchh kisi bhi haalat na sochna hai na lauTna hai

na lauTne ke wo faede tum yun sadgi se hi likh ke lana

agar bichhaDna paDa bhi hum ko to ruKHsati mein hansi hansi hi gale lagana

palaT ke ab ke na dekhna tum na muskurana na lauT aana

tumhein bhulane ki koshishon mein ye aaKHiri din hai jaan-e-jaanan

ye aaKHiri din hai jaan-e-jaanan