یادیں

ہدایت جس طرح گم گشتگاں کو ہے ستاروں سے

وفاداری ہے جیسی بادلوں کو کوہساروں سے

کشش جیسی ہے موجوں کو سمندر کے کناروں سے

سمند باد پا کی جو اطاعت ہے سواروں سے

قلم کو جو روانی ہے مصنف کے اشاروں سے

عنادل کو ہے جیسی انسیت رنگیں بہاروں سے

ترا گم گشتہ بادل ہوں سمند باد پا ہوں میں

تری موج و قلم ہوں عندلیب با وفا ہوں میں

تری یادوں سے ہوتی ہے کچھ ایسی کیفیت پیدا

کہ میں ہوں ہر نفس شیدا دل و جاں سے ترا شیدا