yahan likhna mana hai

pākīza Thahrā.ī jaane vaalī

dīvāroñ par likkhā hai

yahāñ likhnā man.a hai

vahīñ likh dete haiñ log

be-sharmī se gāliyāñ

ba-hūda na.are

farsūda maz.habī ahkāmāt

maiñ likh duuñ vahāñ

vo lafz

jo mere andar mar rahe haiñ

par likh nahīñ saktā

dīvāreñ roktī haiñ mujhe

roktī haiñ

mere andar

dīvāroñ ko girne se

ek jeneral kahtā hai

yā avaam kā numā.inda kahtā hai

chup raho

giḌgiḌāte hue bolo

maiñ likh duuñ

merī maañ ko merī mahbūba honā chāhiye thā

aur mere baap ko

merī āñkhoñ se duur

likh duuñ

saffāk sabab

apne dil meñ darāḌ paḌne kā

jo ek din aap hī aap

khañDar meñ badal jā.egā

maiñ likh duuñ

vo sab

jo yahāñ likhnā man.a hai!

pakiza Thahrai jaane wali

diwaron par likkha hai

yahan likhna mana hai

wahin likh dete hain log

be-sharmi se galiyan

ba-huda nare

farsuda mazhabi ahkaamat

main likh dun wahan

wo lafz

jo mere andar mar rahe hain

par likh nahin sakta

diwaren rokti hain mujhe

rokti hain

mere andar

diwaron ko girne se

ek jeneral kahta hai

ya awam ka numainda kahta hai

chup raho

giDgiDate hue bolo

main likh dun

meri man ko meri mahbuba hona chahiye tha

aur mere bap ko

meri aankhon se dur

likh dun

saffak sabab

apne dil mein daraD paDne ka

jo ek din aap hi aap

khanDar mein badal jaega

main likh dun

wo sab

jo yahan likhna mana hai!