یقین

ابھی میں روشنی میں ہوں مرا کردار زندہ ہے

مری تحریر زندہ ہے مری گفتار زندہ ہے

ابھی سانسوں میں گرمی ہے ابھی رفتار زندہ ہے

رگوں میں دوڑتے پھرتے لہو کی دھار زندہ ہے

مصور کی قسم اس کا حسیں شہکار زندہ ہے

میں فطرت کا اجالا ہوں اندھیروں سے نہیں ڈرتا

میں حرف و صوت کے اندھے لٹیروں سے نہیں ڈرتا

خدائے برتر و اعلیٰ کا دل میں پیار زندہ ہے

ابھی میں روشنی میں ہوں مرا کردار زندہ ہے

مصور کی قسم اس کا حسیں شہکار زندہ ہے