ye chunnu KHan ka qissa hai

ye chunnū ḳhaañ kā qissa hai

jo munnū ḳhaañ ke the ham-dam

thī umr un kī bahut kaafī

magar thī aql un meñ kam

vo kahte khāne ko happā

vo kahte paanī ko mam mam

vo pagḌī bāñdhte aisī

chamaktī ḳhuub vo jham jham

bajāte har ghaḌī baajā

kabhī puuñ puuñ kabhī pam pam

miyāñ chunnū kahīñ jaate

to kahte laao ik Tam Tam

ghaTā ghir kar agar aatī

barastā meñh agar chham chham

galī meñ vo nikal jaate

vo girte ḳhuub hī dham dham

vo kīchaḌ meñ luthaḌ jaate

tamāshā dekhte ye ham

kabhī bak-bak kiyā karte

kabhī vo bolte kam-kam

vo kahte maiñ ko meñ meñ meñ

vo kahte ham ko ham ham ham

ye chunnu KHan ka qissa hai

jo munnu KHan ke the ham-dam

thi umr un ki bahut kafi

magar thi aql un mein kam

wo kahte khane ko happa

wo kahte pani ko mam mam

wo pagDi bandhte aisi

chamakti KHub wo jham jham

bajate har ghaDi baja

kabhi pun pun kabhi pam pam

miyan chunnu kahin jate

to kahte lao ek Tam Tam

ghaTa ghir kar agar aati

barasta meinh agar chham chham

gali mein wo nikal jate

wo girte KHub hi dham dham

wo kichaD mein luthaD jate

tamasha dekhte ye hum

kabhi bak-bak kiya karte

kabhi wo bolte kam-kam

wo kahte main ko mein mein mein

wo kahte hum ko hum hum hum