ye daulat bhi le lo ye shohrat bhi le lo

ye daulat bhī le lo ye shohrat bhī le lo

bhale chhīn lo mujh se se merī javānī

magar mujh ko lauTā do vo bachpan kā sāvan

vo kāġhaz kī kashtī vo bārish kā paanī

ye daulat bhī le lo ye shohrat bhī le lo

bhale chhīn lo mujh se merī javānī

magar mujh ko lauTā do bachpan kā sāvan

vo kāġhaz kī kashtī vo bārish kā paanī

mohalle kī sab se nishānī purānī

vo buḌhiyā jise bachche kahte the naanī

vo naanī kī bātoñ meñ pariyoñ kā Dherā

vo chehre kī jhuriyoñ meñ sadiyoñ kā pherā

bhulā.e nahīñ bhuul saktā hai koī

vo chhoTī sī rāteñ vo lambī kahānī

vo kāġhaz kī kashtī vo bārish kā paanī

khaḌī dhuup meñ apne ghar se nikalnā

vo chiḌiyāñ vo bulbul vo titlī pakaḌnā

vo guḌiyoñ kī shādī pe laḌnā jhagaḌnā

vo jhūloñ se girnā vo girte sambhalnā

vo pītal ke chhāñv ke pyāre se tohfe

vo TuuTī huī chūḌiyoñ kī nishānī

vo kāġhaz kī kashtī vo bārish kā paanī

kabhī ret ke ūñche Tīloñ pe jaanā

gharauñde banānā banā ke miTānā

vo ma.asūm chāhat kī tasvīr apnī

vo ḳhvāboñ khilaunoñ kī jāgīr apnī

na duniyā kā ġham thā na rishtoñ ke bandhan

baḌī ḳhūbsūrat thī vo zindagānī

ye daulat bhī le lo ye shohrat bhī le lo

bhale chhīn lo mujh se merī javānī

magar mujh ko lauTā do bachpan kā sāvan

vo kāġhaz kī kashtī vo bārish kā paanī

vo kāġhaz kī kashtī vo bārish kā paanī

ye daulat bhi le lo ye shohrat bhi le lo

bhale chhin lo mujh se se meri jawani

magar mujh ko lauTa do wo bachpan ka sawan

wo kaghaz ki kashti wo barish ka pani

ye daulat bhi le lo ye shohrat bhi le lo

bhale chhin lo mujh se meri jawani

magar mujh ko lauTa do bachpan ka sawan

wo kaghaz ki kashti wo barish ka pani

mohalle ki sab se nishani purani

wo buDhiya jise bachche kahte the nani

wo nani ki baaton mein pariyon ka Dhera

wo chehre ki jhuriyon mein sadiyon ka phera

bhulae nahin bhul sakta hai koi

wo chhoTi si raaten wo lambi kahani

wo kaghaz ki kashti wo barish ka pani

khaDi dhup mein apne ghar se nikalna

wo chiDiyan wo bulbul wo titli pakaDna

wo guDiyon ki shadi pe laDna jhagaDna

wo jhulon se girna wo girte sambhalna

wo pital ke chhanw ke pyare se tohfe

wo TuTi hui chuDiyon ki nishani

wo kaghaz ki kashti wo barish ka pani

kabhi ret ke unche Tilon pe jaana

gharaunde banana bana ke miTana

wo masum chahat ki taswir apni

wo KHwabon khilaunon ki jagir apni

na duniya ka gham tha na rishton ke bandhan

baDi KHubsurat thi wo zindagani

ye daulat bhi le lo ye shohrat bhi le lo

bhale chhin lo mujh se meri jawani

magar mujh ko lauTa do bachpan ka sawan

wo kaghaz ki kashti wo barish ka pani

wo kaghaz ki kashti wo barish ka pani