ye hath

ye haath kitne hasīñ kitne ḳhūbsūrat haiñ

ye haath jin pe hai ik jaal sā lakīroñ kā

lakīreñ jin meñ haiñ sadiyoñ ke irtiqā ke nishāñ

nishāñ amal ke azā.em ke ilm-o-hikmat ke

sa.ūbatoñ ke salābat ke aur mashaqqat ke

vafā ke qurb-o-rifāqat ke mehr-o-ulfat ke

safā-o-sidq ke insāniyat kī ḳhidmat ke

karam ke jūd-o-saḳhā ke atā ke baḳhshish ke

kamāl-o-kashf ke kāvish ke aur koshish ke

ye haath kitne hasīñ kitne ḳhūb-sūrat haiñ

magar hamesha mujhe in se ḳhauf aayā hai

ye haath saañp kā phan haiñ

ye haath haath nahīñ

mujhe na dekho mire haath par nazar rakkho

ye hath kitne hasin kitne KHubsurat hain

ye hath jin pe hai ek jal sa lakiron ka

lakiren jin mein hain sadiyon ke irtiqa ke nishan

nishan amal ke azaem ke ilm-o-hikmat ke

saubaton ke salabat ke aur mashaqqat ke

wafa ke qurb-o-rifaqat ke mehr-o-ulfat ke

safa-o-sidq ke insaniyat ki KHidmat ke

karam ke jud-o-saKHa ke ata ke baKHshish ke

kamal-o-kashf ke kawish ke aur koshish ke

ye hath kitne hasin kitne KHub-surat hain

magar hamesha mujhe in se KHauf aaya hai

ye hath sanp ka phan hain

ye hath hath nahin

mujhe na dekho mere hath par nazar rakkho