ye ishq kahan le jaega

taptī rāhoñ se chal chal ke

jab chhāñv kī ḳhvāhish bhī na rahī

āshiqoñ kī ravānī rok to lī

qatra qatra ummīd bahā.ī

ye ishq kahāñ le jā.egā

be-ḳhvāb saveroñ kī āvāz

pur-nūr shaboñ ko bhuul ga.e

andāz-e-bayāñ meñ ulajh ga.e

shīrīñ laboñ ko bhuul ga.e

ye ishq kahāñ le jā.egā

sadiyoñ kī thakan se jiit ke bhī

ik pal kī nirāshā sah na sake

sāgar piine kā da.avā hai

do ashk bahe bin rah na sake

ye ishq kahāñ le jā.egā

le gayā jahāñ le jaanā thā

kuchh ḳhaas maze kī jagah nahīñ

jis kī ḳhātir dil ko toḌeñ

mar jaa.eñ ye vo vaj.h nahīñ

ye ishq kahāñ le jā.egā

hastī ke aur bhī mudda.ā haiñ

hañsne ke bahāne aur bhī haiñ

ḳhvāhish ke darīche haiñ har sū

aur ġham ke fasāne aur bhī haiñ

ye ishq kahāñ le jā.egā

tapti rahon se chal chal ke

jab chhanw ki KHwahish bhi na rahi

aashiqon ki rawani rok to li

qatra qatra ummid bahai

ye ishq kahan le jaega

be-KHwab saweron ki aawaz

pur-nur shabon ko bhul gae

andaz-e-bayan mein ulajh gae

shirin labon ko bhul gae

ye ishq kahan le jaega

sadiyon ki thakan se jit ke bhi

ek pal ki nirasha sah na sake

sagar pine ka dawa hai

do ashk bahe bin rah na sake

ye ishq kahan le jaega

le gaya jahan le jaana tha

kuchh KHas maze ki jagah nahin

jis ki KHatir dil ko toDen

mar jaen ye wo wajh nahin

ye ishq kahan le jaega

hasti ke aur bhi muddaa hain

hansne ke bahane aur bhi hain

KHwahish ke dariche hain har su

aur gham ke fasane aur bhi hain

ye ishq kahan le jaega