ye jhuki-jhuki si nazar sanam

ye jhukī-jhukī sī nazar sanam ye savāl hai ki javāb hai

jise aaj tak na maiñ paḌh sakā tirā chehra aisī kitāb hai

tū nazar na aa.e sanam agar to taḌap uTheñ ye dil-o-jigar

tirī justujū meñ mirī nazar phire be-qarār Dagar-Dagar

ki firāq meñ tire ek pal mujhe saañs lenā 'azāb hai

ye jhukī-jhukī sī nazar sanam ye savāl hai ki javāb hai

tirī aañkh nam na kabhī bhī ho tujhe koī ġham na kabhī bhī ho

tire husn kā jo jamāl hai mirī jaan kam na kabhī bhī ho

ki rahe sadā hī khilā-khilā tire gaal par jo gulāb hai

ye jhukī-jhukī sī nazar sanam ye savāl hai ki javāb hai

na to be-ruḳhī se yuuñ pesh aa na to be-sabab mirā dil dukhā

baḌī jān-levā haiñ dūriyāñ mire paas aa mire paas aa

yuuñ gañvā na ai mirī dil-rubā ye jo chaar din kā shabāb hai

ye jhukī-jhukī sī nazar sanam ye savāl hai ki javāb hai

ye jhuki-jhuki si nazar sanam ye sawal hai ki jawab hai

jise aaj tak na main paDh saka tera chehra aisi kitab hai

tu nazar na aae sanam agar to taDap uThen ye dil-o-jigar

teri justuju mein meri nazar phire be-qarar Dagar-Dagar

ki firaq mein tere ek pal mujhe sans lena 'azab hai

ye jhuki-jhuki si nazar sanam ye sawal hai ki jawab hai

teri aankh nam na kabhi bhi ho tujhe koi gham na kabhi bhi ho

tere husn ka jo jamal hai meri jaan kam na kabhi bhi ho

ki rahe sada hi khila-khila tere gal par jo gulab hai

ye jhuki-jhuki si nazar sanam ye sawal hai ki jawab hai

na to be-ruKHi se yun pesh aa na to be-sabab mera dil dukha

baDi jaan-lewa hain duriyan mere pas aa mere pas aa

yun ganwa na ai meri dil-ruba ye jo chaar din ka shabab hai

ye jhuki-jhuki si nazar sanam ye sawal hai ki jawab hai