یہ لمحہ لمحہ بدلتی سوچیں

ہر ایک جذبہ ہے مضطرب کیوں

نہ پیار کرنے کو چاہتا دل

نہ نفرتوں کا خیال کوئی

یہ کیسی پروائی چل رہی ہے

کہ لفظوں میں زنگ سا لگا ہے

ہیں دھجی دھجی خیال سارے

بے ربط جملے پھٹے پھٹے سے

ہیں بجلیوں کے عجیب تیور

جلا کے رکھ دیں گی یہ نشیمن

میں ان کو اپنا کہوں بھی کیسے

وہ اپنے ہو کر بھی غیر سے ہیں

ہیں کھوکھلی سی یہ ساری باتیں

بجیں بھی گر تو نہ سن سکوں میں

سراب کے پیچھے دوڑتی میں

پکڑ نہ پائی ہوں گرد پا بھی

چھلاوا جیسا گزر گیا وہ

بچھائے بیٹھی رہی میں پلکیں