ye parda bhi uTha dena tha

jo bujhā.e na bujhe aur bhaḌaktī jaa.e

mere siine meñ vahī aag lagā denā thā

ek gum-karda-e-manzil ko mirī jān-e-hayā

tum ko ik baar bas ik baar sadā denā thā

sho.ala-e-tūr se bhī ab sard huā jaatā hai

tīrgī sīna-e-sozāñ se miTā denā thā

bazm-e-mahtāb sajā.ī ga.ī dīvānoñ se

mujh ko lekin mire ḳhvāboñ se jagā denā thā

haath rah jaate haiñ uTh uTh ke abhī tak apne

be-ḳhudī tujh ko ye parda bhī uThā denā thā

jo bujhae na bujhe aur bhaDakti jae

mere sine mein wahi aag laga dena tha

ek gum-karda-e-manzil ko meri jaan-e-haya

tum ko ek bar bas ek bar sada dena tha

shoala-e-tur se bhi ab sard hua jata hai

tirgi sina-e-sozan se miTa dena tha

bazm-e-mahtab sajai gai diwanon se

mujh ko lekin mere KHwabon se jaga dena tha

hath rah jate hain uTh uTh ke abhi tak apne

be-KHudi tujh ko ye parda bhi uTha dena tha