ye sari KHudai hamare liye hai

ye saarī ḳhudā.ī hamāre liye hai

nahīñ hai parā.ī hamāre liye hai

ye saarī ḳhudā.ī hamāre liye hai

hameñ is ḳhudā.ī meñ hai kaam karnā

bahut kaam karnā baḌā naam karnā

ye saarī ḳhudā.ī hamāre liye hai

sikhāte haiñ ye shahar ābād honā

aur aapas meñ mil-jul ke dil-shād honā

ye saarī ḳhudā.ī hamāre liye hai

ye baaġh is liye haiñ ki phirne ko jaa.eñ

phaloñ aur phūloñ se ham lutf uThā.eñ

ye saarī ḳhudā.ī hamāre liye hai

khule madrase haiñ ki in meñ paḌheñ ham

taraqqī ke raste pe aage baḌheñ ham

ye saarī ḳhudā.ī hamāre liye hai

kiyā fat.h ham ne havā.ī fazā ko

havā.ī jahāzoñ se chīrā havā ko

ye saarī ḳhudā.ī hamāre liye hai

samundar pe bhī hai hukūmat hamārī

jahāzoñ meñ hai band tāqat hamārī

ye saarī ḳhudā.ī hamāre liye hai

hamīñ dam mashaqqat kā bharte haiñ jā kar

bayābān ābād karte haiñ jā kar

ye saarī ḳhudā.ī hamāre liye hai

bahut umreñ mehnat meñ barbād kī haiñ

ye raileñ tab insāñ ne ījād kī haiñ

ye saarī ḳhudā.ī hamāre liye hai

zamīñ is liye hai ki khetī kareñ ham

mashaqqat kareñ peT apnā bhareñ ham

ye saarī ḳhudā.ī hamāre liye hai

ye sari KHudai hamare liye hai

nahin hai parai hamare liye hai

ye sari KHudai hamare liye hai

hamein is KHudai mein hai kaam karna

bahut kaam karna baDa nam karna

ye sari KHudai hamare liye hai

sikhate hain ye shahar aabaad hona

aur aapas mein mil-jul ke dil-shad hona

ye sari KHudai hamare liye hai

ye bagh is liye hain ki phirne ko jaen

phalon aur phulon se hum lutf uThaen

ye sari KHudai hamare liye hai

khule madrase hain ki in mein paDhen hum

taraqqi ke raste pe aage baDhen hum

ye sari KHudai hamare liye hai

kiya fath hum ne hawai faza ko

hawai jahazon se chira hawa ko

ye sari KHudai hamare liye hai

samundar pe bhi hai hukumat hamari

jahazon mein hai band taqat hamari

ye sari KHudai hamare liye hai

hamin dam mashaqqat ka bharte hain ja kar

bayaban aabaad karte hain ja kar

ye sari KHudai hamare liye hai

bahut umren mehnat mein barbaad ki hain

ye railen tab insan ne ijad ki hain

ye sari KHudai hamare liye hai

zamin is liye hai ki kheti karen hum

mashaqqat karen peT apna bharen hum

ye sari KHudai hamare liye hai